Progreso di e Proseso di Pèrmit

Petishon pa un pèrmit di medio ambiente

E proseso formal di pèrmit ta kuminsá ku hasimentu di un petishon. Ora ku e petishon ta kontené tur informashon obligatorio, bo por entregá e petishon i e proseso pa yega na un desishon ta kuminsá. Si e petishon no ta kontené e informashonnan korekto, e outoridat kompetente por para e proseso i pidi informashon nobo òf asta keda sin tuma e petishon den tratamentu.

Si bo sa ku pa e empresa ku bo ke kuminsá tin mester di un Rapòrt di Impakto riba Medio Ambiente (MER) tambe, e ora ei e prosedura ta un tiki otro. Den e kaso ei promé ku bo hasi un petishon pa pèrmit, tin un paso èkstra. Promé bo ta mèldu bo intenshon pa kuminsá ku e aktividat serka e outoridat kompetente. Dentro di 8 siman e outoridat kompetente ta duna un reakshon riba e intenshon akí. Den e reakshon e outoridat kompetente por indiká kiko mester investigá den e Rapòrt di Impakto riba Medio Ambiente (MER). Esaki nan ta yama e nota di alkanse i nivel di detaye.

Awor bo por bai okupá bo mes ku formulashon di e Rapòrt di Impakto riba Medio Ambiente (MER) i ku prosesamentu di e informashonnan akí den un petishon pa pèrmit.

Bo ta entregá e petishon i e Rapòrt di Impakto riba Medio Ambiente (MER) huntu na e outoridat kompetente.

Paso 1. Preparashon pa un petishon

Formulashon di un petishon i yenamentu di e formulario di petishon ta eksigí preparashon. Na promé lugá bo tin ku investigá si tin kestion di un obligashon pa pidi pèrmit. Na di dos lugá ta importante si na e sitio di establesimentu segun e plan di ordenamentu teritorial tin mag di kuminsá ku un empresa. Mas aleu bo ta pasa den e formulario pa wak .........

Outoridat kompetente (dobla manda paden)

Importante ta ku tin dos órgano di gobièrnu ku por duna un pèrmit. Den mayoria kaso e outoridat kompetente ta gobièrnu di e isla. Den sierto kasonan e outoridat pa duna un pèrmit ta serka e minister di Infrastruktura i Maneho di Awa. Na momentu di formulashon di e petishon i e konsulta tokante esaki, ya kaba esaki ta evidente. Na momentu di evaluá un petishon, un órgano di gobièrnu ta wak un biaha mas si e ta outorisá pa duna un pèrmit. Si no t’asina, e ta manda e petishon pa esun ku si ta outorisá, i e ta pone e persona ku a hasi e petishon na altura di esaki.

Paso 2. Konsulta preliminar ku e outoridat kompetente

Na momentu di preparashon pa e petishon, ta bon pa buska kontakto ku representantenan di e outoridat kompetente.

Nan por bisa bo kiko ta nesesario pa e pèrmit i kua ta e otro eventual obligashonnan ku ta na vigor. Por ehèmpel adaptashon di un plan di destinashon, un pèrmit di konstrukshon òf un pèrmit di naturalesa.

Adrès di outoridat kompetente (dobla manda paden)

Kolegio Ehekutivo di Boneiru

Direktorado di Planifikashon i Desaroyo na Boneiru, number di telefòn ..... email .......

Kolegio Ehekutivo di Sint Eustatius, e unidat di VTH (dunamentu di pèrmit, supervishon i mantenshon di lei) na Sint Eustatius

Minister di Infrastruktura i Maneho di Awa, Rijkswaterstaat, direktorado di Zee en Delta: emailadres vv-hh-cn@rws.nl

Paso 3. Entregá e petishon na e outoridat kompetente

Bo ta yena e formulario di petishon i sòru pa e aneksonan korekto i bo ta hasi e petishon. Awor bo por bai okupá bo mes ku formulashon di e Rapòrt di Impakto riba Medio Ambiente (MER) i ku prosesamentu di e informashonnan akí den un petishon pa pèrmit. Bo ta entregá e petishon i e Rapòrt di Impakto riba Medio Ambiente (MER) huntu na e outoridat kompetente.

E promé paso di e proseso: E outoridat kompetente ta evaluá e petishon

Pa por tuma desishon riba un petishon, e outoridat kompetente tin mester di diferente tipo di informashon. Kua informashon eseinan ta, por haña den e Lei ‘Vrom BES’. (Wak página ...). Ora ku un petishon drenta, nan ta wak si e petishon ta kompleto. Si falta informashon, e ora ei nan ta pidi e informashonnan adishonal i nan ta duna un término dentro di kua e parti adishonal mester yega serka nan. Si falta hopi informashon, e ora ei nan por para e prosedura te ora ku entregá e informashonnan akí.

E di dos paso di e proseso: Formulashon di un pèrmit den forma di konsepto

E outoridat kompetente ta formulá e pèrmit. Na momentu di formulá esaki, nan por pidi konseho serka otro gobièrnunan i/òf otro servisionan. Pensa akí riba kuerpo di bombero pa konseho tokante siguridat kontra kandela. Ku tur e konsehonan nan ta formulá un promé vershon di e pèrmit. Esaki nan ta yama e diseño di pèrmit. Nan ta deliberá tokante e diseño ku e persona ku a hasi e petishon.

E di tres paso di e proseso: Informá

Nan ta presentá e diseño na e otro outoridat kompetente tambe. E otro outoridat kompetente por duna su opinion tokante e pèrmit.

Por sosodé ku tin otro hende ku tin un interes relashoná ku dunamentu di un pèrmit. Si esakinan ta konosí na e momentu ei, e ora ei ta kompartí e diseño ku nan tambe. E ora ei e interesado por duna su opinion tokante e diseño.

Den kaso di un pèrmit di medio ambiente, kaminda tin un Rapòrt di Impakto riba Medio Ambiente (MER) tambe enbolbí, nan ta publiká e petishon.

E di kuater paso di e proseso: Toma di desishon

Despues di prosesá tur konseho, punto di bista i remarke di e persona ku a hasi e petishon, e outoridat kompetente ta tuma un desishon pa duna un pèrmit òf pa nenga esaki. Por tin instrukshon mará na e pèrmit. Den e pèrmit nan ta deskribí tambe, pa kua aktividat a haña pèrmit i pa kua aktividat nò. Hopi biaha tin mester di vários tipo di pèrmit pa un empresa. Por usa un pèrmit di medio ambiente solamente si a duna un pèrmit di konstrukshon tambe.

E di sinku paso di e proseso: Publikashon Semper ta publiká un pèrmit. Hende por hasi opheshon kontra dunamentu di un pèrmit. E prosedura pa esaki no ta den e Lei ‘Vrom BES’, pero den e Lei di Huridikshon Atministrativo BES