Aktual

E reglanan ambiental pa empresa na Boneiru, Sint Eustatius i Saba a drenta den vigor pa 1 di aprel 2024. E reglanan ambiental ta deskribí den e dekreto pa Estableshimentu i Aktividatnan BES (IAB BES) i den e Reglashon pa Estableshimentu i Aktividatnan BES (RIA BES). Pa empresa na Boneiru, Sint Eustatius i Saba e reglanan nobo ta nifika algun kambio.

A publiká e reglanan di e IAB BES i e RIA BES den Staatscourant i den Staatsblad. E IAB BES i e RIA BES ta drenta na vigor dia 1 di aprel 2024.

Dia 26 di sèptèmber 2023 ta kuminsá un investigashon di medio ambiente na empresanan na Boneiru. E investigashon ta identifiká e medidanan i disposishonnan di medio ambiente ku empresanan a tuma pa redusí òf eliminá e chèns pa efektonan negativo di kontaminashon di medio ambiente.

Dia 15 di sèptèmber último e ‘Punto di informashon medio ambiente’ a ranka sali na Kámara di Komèrsio. E Punto di informashon medio ambiente ta un kolaborashon entre Entidat Públiko Boneiru, ministerio di Infrastruktura i Maneho di Awa i Kámara di Komèrsio. E punto di informashon akí ta duna informashon na empresarionan tokante e Dekreto di Establesimentu i Aktividat BES (Inrichtingen- en activiteitenbesluit BES -IAB BES). E dekreto ta regla e regulashon ku mester protehá medio ambiente komo konsekuensia di aktividat empresarial i segun ekspektativa e ta drenta na vigor entrante 1 di yanüari 2023.

Entidat Públiko Boneiru, ministerio di Infrastruktura i Maneho di Awa i Kámara di Komèrsio ta lanta e Punto di informashon Medio Ambiente. Ta ratifiká e kolaborashon akí ku firmamentu di un akuerdo di kolaborashon di parti di direktor di Planifikashon i Desaroyo di Entidat Públiko Boneiru, direktor general Medio Ambiente i Internashonal di Ministerio di Infrastruktura i Maneho di Awa i presidente di Kámara di Komèrsio.