Pa kua aktividat tin mester di un pèrmit di medio ambiente

Riba e página akí:

• Kiko ta un pèrmit di medio ambiente tipo 3 i tipo 4
• Pa kua aktividat tin mester di un pèrmit di medio ambiente tipo 3
• Pa kua aktividat tin mester di un pèrmit di medio ambiente tipo 4

Kiko ta un pèrmit di medio ambiente tipo 3 i tipo 4

Si bo empresa ta un empresa di tipo 3 òf di tipo 4, e ora ei bo tin ku hasi petishon pa un pèrmit di medio ambiente. Bo empresa ta un empresa di tipo 3 si bo ta ehekutá aktividatnan ku tin un influensia mas grandi riba medio ambiente. Bo empresa ta un empresa di tipo 4 si bo ta ehektuá aktividatnan kompleho, kaminda por tin kestion di riesgonan di siguridat tambe. E aktividatnan ta inkluí den anekso 1 di e Dekreto di Establesimentu i Aktividat BES.
Pa kua aktividat un pèrmit di medio ambiente tipo 3 ta nesesario

Pa e aktividatnan akí semper bo tin mester di un pèrmit di medio ambiente tipo 3:

Aparato, instalashon i motor, pa:

• un òf mas instalashon ku ta usa kombustibel pa generá energia (entre otro ‘generator’ ku un kapasidat nominal mas grandi ku 20kW
• un òf mas fasilidat òf instalashon pa kima kombustibel ku un kapasidat térmiko òf un kapasidat konhunto mas grandi ku 1 MWth

Gas, pa:

• produkshon di gas
• almasenamentu di propano òf propeno den mas ku dos tanki di almasenamentu
• entrega di LPG
• un instalashon pa fria òf vris ku un kontenido pa kada instalashon di mas ku 1500 kilo di amoniak òf 100 kilo di propano, butano òf un meskla di propano i butano.

Supstansia eksplosivo, pa:

• almasenamentu di vürwèrk pa konsumidó ku un kapasidat konhunto di almasenamentu di mas ku 1100 kilo
• empaketá, re-empaketá, almasená òf transbordá vürwèrk profesional
  Supstansia peligroso, kombustibel i líkido inflamabel, pa:
• almasenamentu di supstansia peligroso den tanki di almasenamentu bou di tera
• almasenamentu di kombustibel líkido òf zeta shushi den tanki di almasenamentu ku un kontenido di mas ku 150 m3

Bestia, agrikultura i krio di bestia, pa:

• krio di mas ku 300 galiña, patu, kalakuna etc. pa produkshon
• krio di mas ku 100 bestia di kas pa agrikultura en total
• krio di mas ku 200 para òf mas ku 50 mamífero
• kultivo di piská pa kome
• matamentu di bestia.

Alimentashon, pa:

• produkshon òf prosesamentu di produktonan alimentisio, kos di boka dushi òf e materia prima pa esaki, kaminda e karga nominal konhunto riba e balor bruto di fòrnunan kontinuo ta mas ku 400 kW
• kultivo di alga

Pestisida, pa:

• produkshon di pestisida

Material di konstrukshon, pa:

• produkshon òf prosesamentu ku aparato ku un karga nominal individual riba e balor bruto di mas ku 130 kW òf un balor di konekshon di mas ku 130 kW di produktonan kerámiko, klenku pa traha kas, klenku ornamental òf klenku pa traha kaya, panchi pa riba dak, porselana òf kerámika
• produkshon òf prosesamentu ku aparato ku un karga nominal individual riba e balor bruto di mas ku 130 kW òf un balor di konekshon di mas ku 130 kW di glas òf ophetonan di glas
• ekstrakshon di piedra òf material similar na piedra
• ekstraé, kibra, mula, sefta òf seka tera, steenslag, kalki òf otro mineralnan òf derivadonan di esakinan
• prosesamentu di asfalt òf produktonan ku ta kontené asfalt

Metal, pa:

• produkshon di heru brutu, stal brutu òf metal primario non-ferro
• basha metal òf meskla di metal
• enduresimentu òf kimamentu di metal òf difushon di supstansia den superfisie di metal, kaminda ta hasi uso di salu, zeta òf gas ku no ta gas inerte òf dióksido di karbon
• tratamentu di superfisie di metal pa medio di kimamentu i pirolísis
• aplikashon di kapa di metal pa medio di un baño ku ta kontené cyanide, ku un kontenido total di e baño di mas ku 100 liter.

Transporte, pa:

• produkshon, reparashon, tèst òf limpiesa parti pafó di avion
• konstrukshon òf rekonstrukshon di boto di metal
• produkshon, mantenshon, reparashon òf tratamentu di superfisie di boto di mas ku 10 meter
• maramentu di fèri, barku di kònteiner i barku krusero
• transbordo di barku pa barku
• limpiesa di barku tankero
• stashonamentu di unidatnan di transporte ku supstansia peligroso durante mas ku 24 ora
• stashonamentu di mas ku tres unidat di transporte ku supstansia peligroso.

Palu i kòrki, pa:

• impregnashon di palu pa medio di spùit, sprui òf aplikashon di e método di preshon ‘vacuüm’.

Tèkstil, papel i téknika gráfiko

• produkshon di tèkstil i kòrtina, tapeit etc. (tèkstil pa den kas)
• produkshon di papel òf produkto di papel.

Arma, pa:

• kaminda ta tira ku arma di kandela òf kaminda ta tira ku opheto ku ta inflamabel òf eksplosivo.

Hóreka, pa:

• konstrukshon òf eksplotashon di un kancha di gòlf i otro fasilidatnan rekreativo òf turistiko ku un superfisie di 8 hèktar òf mas
• konstrukshon òf eksplotashon di tereno i edifisio pa akomodashon di estadia pa 10 kamber òf mas den áreanan sensibel i áreanan ku ta sensibel komo zona di bùfer.

Deporte i rekreashon, pa:

• uso di bròmfits, vehíkulo di motor òf otro tipo di vehíkulo òf boto motorisá den kompetensia, komo preparashon pa kompetensia òf pa metanan rekreativo riba terenonan ku ta destiná òf ekipá pa den kompetensia, preparashon pa kompetensia òf pa metanan rekreativo, kore ku vehíkulonan motorisá, i ku pa esaki ta habrí durante 8 ora òf mas pa siman
• uso di bròmfits, vehíkulo di motor òf otro tipo di vehíkulo òf boto motorisá den kompetensia òf pa metanan rekreativo den aire liber
• tene presentashon musikal den aire liber, kaminda mas ku 5000 bishitante por ta presente na mes momentu
• tiramentu den aire liber ku arma ku ta traha ku preshon di aire òf preshon di gas.

Preparashon di awa di bebe, pa:

• desalinisashon di awa di laman pa preparashon di awa di bebe
• infiltrashon i ekstrakshon di awa pa preparashon di awa di bebe
• deslinisashon di awa di laman pa otro propósitonan.

Konvershon di energia, pa konvershon di:

• energia hidrostátiko den energia eléktriko òf energia térmiko
• energia eléktriko den energia di radiashon ku un kapasidat òf kapasidat konhunto pa konvershon di mas ku 4 kW
• energia di bientu den energia mekániko, eléktriko òf térmiko ku mas di 5 molina di bientu òf turbina di bientu ku un rotordiameter mas grandi ku 2 meter òf un kapasidat konhunto di 5 megawatt.

Almasenamentu di otro merkansia, pa:

• almasenamentu i transbordo òf transbordo di merkansia, supstansia, preparado òf produkto ku un superfisie pa almasenamentu di esakinan di 2000 m2 òf mas. Ta trata di merkansia ku no ta menshoná den e otro kategorianan.

Hòspital, pa:

• hòspital general, akadémiko òf kategorial.

Desperdisio, pa:

• prosesamentu, destrukshon òf transbordo di supstansia residual
• dùmpmentu di supstansia residual
• depositá supstansia residual riba òf den suela
• almasenamentu i transbordo di e siguiente supstansianan residual ku ta prosendente for di pafó di un empresa (establesimentu):
• supstansianan residual ku a kolektá òf ku a keda entregá
• supstansianan residual empresarial ku a kolektá òf ku a keda entregá
• tera kontaminá
• supstansia residual peligroso
• prosesamentu òf destrukshon – otro for di kimamentu – di supstansianan residual peligroso ku ta prosedente for di pafó di un empresa (establesimentu)
• prosesamentu òf destrukshon di kadaver di outo òf almasenamentu di mas ku 4 kadaver di outo
• kimamentu di e supstansianan residual ku ta prosedente di pafó di un empresa (establesimentu):
• supstansianan residual doméstiko
• supstansianan residual empresarial
• supstansianan residual peligroso
• ponementu di supstansianan residual doméstiko, supstansianan residual empresarial òf supstansianan residual peligroso riba suela òf bou di suela ku e intenshon pa laga e supstansianan akí einan
• komprimí, sker, kòrta òf kibra metal bieu ferro òf non-ferro pa medio di mashin mekániko ku un kapasidat di motor òf un kapasidat konhunto di motor ku un kapasidat konhunto di motor di 25 kW òf mas
• almasenamentu, prosesamentu i destrukshon di e siguiente supstansianan residual prosedente di kuido di salú di hende i bestia:
• supstansianan residual infeksioso
• partinan di kurpa i órganonan
• supstansianan residual di remedinan sitotóksiko i sitostátiko.

Awa shushi

• almasenamentu, tratamentu i purifikashon di awa shushi ku un kapasidat di mas ku 500 ekivalente di habitante pa aña.
  Pa kua aktividat tin mester di un pèrmit di medio ambiente tipo 4

Pa e aktividatnan akí semper bo tin mester di un pèrmit di medio ambiente tipo 4:

Supstansia peligroso, kombustibel i líkido inflamabel, pa:

• almasenamentu i transbordo di petroli, produkto di petroli òf hidrokárburo den estado líkido ku un kapasidat pa almasenamentu di e supstansianan òf produktonan akí di 2500 tòn òf mas.

Gas, pa:

• almasenamentu di gas ku un kapasidat di almasenamentu di mas ku 10 tòn.