Instrukshonnan spesífiko pa un aktividat
Instrukshonnan spesífiko pa un aktividat ta intenshoná pa intensifiká e reglanan general òf pa adaptá nan na un nivel igual. Di e manera akí por ofresé trabou na midí a base di e reglanan general.
Riba e página akí:
Ki ora ta hasi uso di un instrukshon spesífiko pa un aktividat
Ku un instrukshon spesífiko pa un aktividat por desviá for di un regla general. Punto di salida ta ku e reglanan general ta aplikabel. Instrukshonnan spesífiko pa un aktividat ta solamente intenshoná pa intensivá un regla general òf pa adaptá esaki na un nivel igual i di e manera akí ofresé trabou na midí.
Por haña e posibilidat pa un instrukshon spesífiko pa un aktividat den e Dekreto di Establesimentu i Aktividat BES. E ta den artíkulo 2.3.
Un instrukshon spesífiko pa un aktividat por bai tokante:
- E tópikonan di medio ambiente ku ta den e dekreto, manera sonido, holó, trelmentu. E tópikonan akí ta den artíkulo 2.1 di e dekreto.
- E reglanan general den e areglo ministerial.
- E reglanan general den e ordenansa insular.
Un instrukshon spesífiko pa un aktividat por bai tokante un tópiko di medio ambiente, por ehèmpel sonido, tokante kua e reglanan general no ta trata tur posibel situashon. Ku esaki nan ta indiká tambe ku e tópiko no ta kompletamente reglá.
E ora ei den sierto kasonan por determiná otro balornan di sonido (mas abou) hasiendo uso di un instrukshon spesífiko. Por ehèmpel ora e sonido prosedente di otro fuentenan di sonido ta asina bou, ku e balor límite standarte ta kondusí na molèster pa e bisindario.
Prosedura
E outoridat kompetente (Kolegio Ehekutivo) por imponé un instrukshon spesífiko pa un empresa. Pero bo tambe por hasi un petishon serka e outoridat kompetente pa bini ku un instrukshon spesífiko.
Un instrukshon spesífiko pa un aktividat ta keda publiká i e ta disponibel pa tur hende tira bista aden durante minimalmente 6 siman.