Investigashon riba laman òf den laman
E lei di maneho marítimo BES tin regla stipulá, pasobra aktividatnan den òf serka di laman por tin influensia riba:
- Bida di mata- i animalnan den laman
- Medio ambiente i naturalesa di kosta i laman
- Herensia arkeológiko maritimo (pues den laman)
Ora bo hasi investigashon den awanan teritorial tokante bida di mata i animal òf arkeología maritimo, esaki ta wordu permití bou di sierto kondishonnan.
Paso 1
Bo ta manda un e-mail na Rijkswaterstaat ku bo plananan na e-mailadres:
Nan lo tuma kontakto ku bo mas lihé ku ta posibel pa papia tokante bo deseonan. Si un pèrmit ta nesesario, bo lo risibí un formulario di aplikashon di Rijkswaterstaat ku spesifikashonnan ku bo mester kumpli kune. Òf bo lo risibí un formulario pa hasi un aplikashon (melding).
Paso 2
Bo por manda bo formulario di aplikashon promé komo konsepto na Rijkswaterstaat pa un evaluashon na un etapa tempran, pa wak si e ta kumpli ku e spesifikashonnan.
Paso 3
Bo ta entregá e aplikashon ofisial pa pèrmit, inkluyendo tur dokumentonan nesesario.
Paso 4
Rijkswaterstaat ta kontrolá si e aplikashon tin sufisiente informashon pa por tuma un desishon. Nan ta publiká aplikashonnan risibí, entre otro riba e website informatiepuntmilieucn.com.
Paso 5
Rijkswaterstaat, den koordinashon ku otro ministerionan i gobièrnu lokal di isla, ta tuma un desishon tokante e aplikashon. Si e desishon ta pone limitashonnan riba e aplikashon, bo ta haña oportunidat pa reakshoná. E reakshon aki lo wòrdu inkluí den e desishon final.
Paso 6
Rijkswaterstaat ta hasi e desishon (inkluyendo e aplikashon) públiko. Otro partidonan por hasi oposishon den un periodo di seis siman.
Si bo a haña un pèrmit, bo mester sigurá ku bo konstrushon òf aktividat ta kumpli ku tur eksigensianan stipulá den e pèrmit.