Pa kua aktividat reglanan general

Riba e página akí:

• Kiko ta e diferensia entre reglanan general pa un tipo 1 i un tipo 2
• Den kaso di ehekushon di kua aktividat(nan) mi empresa ta un empresa di tipo 1
• Den kaso di ehekushon di kua aktividat(nan) mi empresa ta un empresa di tipo 2

Kiko ta e diferensia entre reglanan general pa un empresa di tipo 1 i pa un empresa di tipo 2

Tantu empresanan di tipo 1 komo empresanan di tipo 2 tin ku tene nan mes na e reglanan general ku ta na vigor pa e aktividatnan ku bo empresa ta ehekutá. E reglanan akí ta den un areglo ministerial i den un ordenansa insular. Dependiente di kua aktividat(nan) esaki ta, bo empresa ta un empresa di tipo 1 òf di tipo 2. E aktividatnan ta inkluí den anekso 1 di e Dekreto di Establesimentu i Aktividat BES.

Den kaso di ehekushon di kua aktividat(nan) mi empresa ta un empresa di tipo 1

Ora ku bo empresa ta ehekutá un òf mas di e aktividatnan menshoná akí bou, bo empresa ta en todo kaso un empresa di tipo 1 i reglanan general ta aplikabel:

Bestia, agrikultura i krio di bestia, pa:

• krio di te ku 100 para òf te ku 25 mamífero.

Alimento, pa:

• produkshon di alimento pa personanan ku ta biba òf traha den e akomodashon di e establesimentu.

Transporte, na unda:

• dentro di un distansia di 50 meter for di e frontera di e establesimentu tin ophetonan sensibel presente, i den e periodo entre 19:00 or i 07:00 or, un promedio di kuater òf ménos moveshon di transporte ta tuma lugá ku vehíkulonan di motor, di kua e masa di e vehíkulo bashí, oumentá ku e kapasidat di karga, ta mas ku 3500 kilogram.
• den aire liber no tin un tereno di entrenamentu pa vehíkulo di motor,
• pa ofresé oportunidat di stashoná outo den un edifisio destiná pa stashoná maksimalmente 30 outo di famia,
• kaminda tin un kargadó di bateria operashonal.

Hóreka, na unda:

• parti paden, tambe a base di karakter di e establesimentu no ta probabel ku den kualke espasio di e establesimentu e nivel di sonido ekivalente (Leq) okashoná pa músika ku nan ta toka den e situashon empresarial representativo, ta mas ku:
• 70 dB(A), ora ku e espasio akí ta ubiká den un edifisio sensibel òf ta pegá ku un edifisio sensibel.
• 80 dB(A), ora ku loke tin menshoná akí riba no ta aplikabel den aire liber òf ora no ta toka músika riba un tereno habrí di un establesimentu.

Konvershon di energia, pa:

• tin un generadó di energia di emergensia ku no ta mas ku 50 ora pa aña operashonal;
• operá instalashonnan pa kima kombustibel ku un potensia térmiko nominal te ku 1 MWth pa tene edifisionan kayente òf pa kenta awa di kranchi.

Almasenahe di otro produktonan, pa:

• almasenamentu i transbordo di produktonan inerte ku no ta sensibel pa bula bai ku bientu.

Desperdisio, na unda:

• no ta ehersé aktividatnan ku supstansianan residual ku ta prosedente di pafó di e establesimentu.

Awa shushi, pa:

• dùmp awa shushi prosedente di kasnan di famia;
• laga awa di yobe kore bai, esta awa di yobe ku no ta prosedente di un fasilidat pa protekshon di suela.

Den kaso di kua aktividat(nan) mi empresa ta un empresa di tipo 2

Ora ku bo empresa ta ehekutá un òf mas di e aktividatnan menshoná akí bou, bo empresa ta en todo kaso un empresa di tipo 2 i reglanan general ta aplikabel. Banda di esei bo ta hasi un notifikashon.

Aparatura, instalashon i motor; un empresa kaminda:

• Un (1) òf mas elektromotor ta presente ku un kapasidat òf un kapasidat konhunto di mas ku 20 kW.
• Un (1) òf mas fasilidat òf instalashon pa kima kombustibel ku un kapasidat térmiko òf un kapasidat konhunto di mas ku 20 kW i ménos ku 1 MWth.

Gas, pa:

• yena bòter di gas ku propano òf butano ku un kontenido ménos ku 12 liter for di un bòter di gas di maksimalmente 150 liter.
• yena bòter di gas ku gas asfiksiante.
• yena bòter di gas ku un kontenido di maksimalmente 2 liter ku oksígeno for di un konsentradó.
• yena bòter di gas ku un kontenido di maksimalmente 3 liter i ku un preshon di maksimalmente 1,6 bar, ku oksígeno líkido profundamente friá for di un bòter di gas ku un kontenido di maksimalmente 60 liter i un preshon di maksimalmente 1,6 bar.
• yena bòter di gas ku un meskla di gas pa rosea pa sambuyadónan ku un parti di oksígeno te 32 porshento i ku un kontenido di maksimalmente 18 liter.
• almasenamentu di propano, propeno, oksígeno, gas di fermentashon, dióksido di karbon, aire, argon, helio òf nitrógeno den un (1) òf mas tanki di almasenamentu ku un kontenido di 50m3 pa kada tanki òf un kontenido konhunto di e tankinan di almasenamentu di 100 m3.

Supstansia eksplosivo, pa:

• almasenamentu di vürwèrk pa konsumidó ku un kapasidat di almasenamentu konhunto te maksimalmente 1100 kilogram.

Supstansia peligroso, kombustibel i líkido inflamabel, pa:

• almasenamentu di kombustibel líkido, zeta shushi òf supstansianan di klase 5.1 òf klase 8, grupo di empake II i III, manera menshoná den anekso A di e ADR ku un kontenido konhunto di maksimalmente 150 m3;
• suministro di kombustibel líkido.

Bestia, agrikultura i krio di bestia, pa:

• krio di 100 te ku 200 para òf di 25 te ku 50 mamífero;
• krio di te ku 300 bestia pa produkshon manera galiña, patu, kalakuna.
• krio di te ku 100 bestia di kas pa agrikultura en total.
• almasenamentu i transbordo di kueru, kueru ku lana òf produkto di kueru semi-akabá.
• produkshon òf prosesamentu di kueru, kueru ku lana òf produkto di kueru semi-akabá.
• prosesamentu, almanesamentu i transbordo di produkto ku ta bini liber na momentu di matamentu di bestia.

Produktonan di alimentashon, pa:

• produkshon, prosesamentu, almasenamentu o transbordo di karni òf produktonan di karni
• prosesamentu, almasenamentu i transbordo di piská, bestia di laman òf produktonan ku ta bini liber na momentu di prosesamentu di esakinan
• produkshon di pan, bolo, produkto di chukulati, buskuchi òf kuki
• produkshon òf prosesamentu di produktonan di alimentashon, kos di smak òf materia prima pa esakinan (por ehèmpel un restorant)
• produkshon, prosesamentu, almasenamentu i transbordo di produktonan di alimentashon pa bestia òf materia prima pa esakinan
• kultivá, trata, bende, almasenamentu i transbordo di produktonan di agrikultura.

Pestisida, na unda:

• ta prosesá, almasená òf transbordá mas ku 10 kilo di pestisida.

Material di konstrukshon, pa produkshon, prosesamentu, almasenamentu i transbordi di:

• produktonan kerámiko, klenku pa traha kas, klenku ornamental, klenku pa traha kaya, panchi pa riba dak, porselana, serámika, kalichi, semènt, produktonan di semènt òf kalki
• betòn òf produktonan di betòn
• mineral, derivado di mineral, produktonan mineral òf mèrgel (kombinashon di kalki i santu)
• glas òf ophetonan di glas
• piedra, greis òf ophetonan di piedra, ku no ta restu di piedra ku blòki
• santu òf piedra mulá
• tera.

Metal:

• pa prosesamentu, almasenamentu i transbordo di metal, ophetonan di metal òf heru bieu i tambe pa tratamentu di e superfisie di metal òf ophetonan di metal.

Transporte, pa:

• mantenshon, reparashon, tratamentu di superfisie, kùr, limpia, bende, hür òf tèstmentu di:
• motor, vehíkulo di motor òf bròmfits
• mashin pa traha den agrikultura
• boto ku un largura midí na e liña di awa di maksimalmente 10 meter
• stashonamentu di 3 òf mas vehíkulo di motor destiná pa transporte di bienes riba kaminda, vehíkulo di motor ku ta konsistí di dos parti, treiler, di kua e masa di e vehíkulo bashí, oumentá ku e kapasidat di karga, ta mas ku 3500 kilo.

Palu i kòrki, pa:

• produkshon, prosesamentu, tratamentu, almasenamentu i transbordo di palu òf kòrki, i tambe di ophetonan di palu i di kòrki i ophetonan paresido na palu.

Tèkstil, papel i tèknika gráfiko, pa:

• prosesamentu, almasenahe, transbordo òf labamentu di tèkstil, tèkstil pa bibienda (kòrtina, tapeit etc.), materia prima pa tèkstil òf produktonan di esaki
• prosesamentu, almasenamentu i transbordo di materia prima pa traha papel òf produktonan di esaki
• aplikashon di téknikanan gráfiko

Hóreka, pa empresanan ku komo destinashon:

• hotèl, restorant, penshon, bar, kafetaria, snèkbar i diskotek i semehante empresanan kaminda kontra pago ta ofresé alohamentu, ta sirbi bibida òf ta prepará òf sirbi kuminda pa konsumo direkto.

Deporte i rekreashon, na unda:

• un (1) òf mas fasilidat òf instalashon ta presente pa ehersé deporte, tambe skol di deporte i sala di deporte
• un (1) òf mas fasilidat ta presente pa toka músika, tambe skol di músika i lokalidat pa trein toka músika
• un (1) òf mas fasilidat ta presenta pa metanan rekreativo i kaminda a pone un instalashon di sonido, tambe tereno di deporte i teatro na aire liber
• ta ofresé oportunidat pa landa
• ta ofresé oportunidat pa hasi uso di:
• modelo di avion eskala chikitu ku motor, modelo di boto eskala chikitu ku motor òf modelo di outo eskala chikitu ku motor
• bròmfits, vehíkulo di motor òf otro tipo di vehíkulo òf boto motorisá den kompetensia, pa preparashon pa kompetensia òf pa metanan rekreativo
• tin 10 òf mas lugá di mara boto den un haf di yate (jachthaven)
• ta tira ku bog òf arma di bog òf ku arma ku ta traha ku preshon di aire òf preshon di gas.

Konvershon di energia, un empresa:

• pa konvershon di energia di bientu den energia mekániko, eléktriko òf térmiko ku molina di bientu òf turbina di bientu ku un rotordiameter mas grandi ku 2m
• pa konvershon di energia térmiko den energia eléktriko ku un kapasidat òf kapasidat konhunto di mas ku 1,5 kW
• ku por ser konsiderá komo stashon di transfòrmátòr, ku transfòrmátòrnan ku no ta alohá den un edifisio será, ku un kapasidat eléktriko máksimo di 200 MVA òf mas ku por sende simultániamente.

Almasenamentu di otro merkansia, pa:

• almasenamentu i transbordo òf transbordo di otro ‘stuk- of bulkgoederen’ ku no ta e supstansianan, preparadonan òf produktonan ku ta keda menshoná den un otro kategoria, ku un superfisie pa almasenamentu di esakinan di 2000 m2 òf mas.

Hòspital, pa:

• pa ofresé tratamentu médiko, kuido médiko òf alohamentu ku kuido.

Desperdisio, pa:

• pa almasenamentu di supstansianan residual empresarial, ku relashoná ku esaki tin un kapasidat te 5 m3, sin konta aserka e parti di almasenamentu separá di papel, aluminio, karton i glas
• almasenamentu di maksimalmente 4 kadaver di outo
• aplikashon òf eliminashon útil di supstansianan residual.