Kontenido di Lei di vrom BES

Kapítulo 1 Konseptonan general

Kapítulo 1 di e lei ta kontené:

• Formulashon di konsepto

aki ta splika algun konsepto i kon ta usa esakinan den lei.

E kapítulo akí ta kontené tambe un obligashon general pa aktua kuidadosamente;

Empresa, siudadano i gobièrnunan ta responsabel pa un bon estado di e medio ambiente i ta aplikabel den kaso ku por ehèmpel ta surgi konsekuensia serio dañino pa kua den e areglonan legal no a antisipá, pa prevení e konsekuensianan akí òf pa limitá nan mas tantu posibel.

E kapítulo akí ta kontené un siklo di maneho. Kada 5 aña e Minister di Infrastruktura i Maneho di Awa Públiko, min IenW, ta formulá un plan di maneho. E plan di maneho aktualmente ta forma parti di e plan di maneho pa Naturalesa i Medio Ambiente ku ta kore di 2020-2030.

Konseho Insular kada aña ta stipulá un programa di medio ambiente. Kolegio Ehekutivo ta traha esaki. E kapítulo ta kontené instrukshon pa e plan i e programa.

Kapítulo 2 Konstrukshon

E kapítulo akí ta kontené un prohibishon pa konstruí edifisio sin pèrmit di konstrukshon. E instrukshon pa e obligashon di pèrmit ta pará den e Dekreto di Konstrukshon BES (‘Bouwbesluit BES’). E dekreto akí ta splika tambe e rekisitonan tékniko pa konstrukshon.

Ademas e kapítulo ta kontené instrukshon pa no suministrá òf kanselá un pèrmit. Lo por menshoná un nota di prosperidat.

E konseho insular por diseñá un ordenansa di konstrukshon den kua nan ta regla uso di kas, edifisio. Pero tambe por preskribí regla tokante e disponibilidat di awa di bebe i energia, limpiesa i kombatimentu di plaga di bestia ku ta kousa daño òf ta forma un pèster. Ademas e ordenansa por preskribí regla tokante ehekushon di aktividat di konstrukshon i demolishon di kas.

Kapítulo 3 Bibienda

E kapítulo akí ta deskribí ku Konseho Insular por preskribí un ordenansa insular di bibienda pa kaso di distribushon balansá i hustu. E kapítulo ta kontené instrukshon pa un ordenansa. Den e ordenansa lo por inkluí un sistema di pèrmit.

Kapítulo 4 Materia shushi

E kapítulo akí ta kontené areglonan tokante materia shushi i awa shushi.

Tin un obligashon pa aktua kuidadosamente ku materia shushi ku ta apliká pa aktividat di persona partikular i aktividat empresarial. Tin un prohibishon pa tira òf kima shushi pafó di un establesimentu.

E kapítulo ta kontené tambe obligashonnan pa e gobièrnu insular. Kolegio Ehekutivo ta sòru pa rekohé shushi kada siman. Konseho Insular ta stipulá un ordenansa di materia shushi, den kua ta preskribí kon ta rekohé shushi riba e isla. Na unda por entregá materia shushi.

Konseho Insular mester investigá si e kolekshon i purifikashon di awa shushi ta efisiente. Konseho Insular ta stipulá un ordenansa di awa shushi. Den e ordenansa di awa shushi ta deskribí regla pa deshasí di awa shushi na kas partikular i empresa.

Kapítulo 5 Reglanan general i pèrmitnan

E kapítulo akí ta kontené un prohibishon pa praktiká aktividat empresarial, "een inrichting te drijven", sin pèrmit. Por kanselá e prohibishon pa medio di

• indiká aktividat pa kua tin regla general,
• indiká aktividat pa kua tin un obligashon di pèrmit .

E indikashon akí a tuma lugá den e Dekreto di Establesimentu i Aktividat (‘Inrichtingen en activiteitenbesluit, IAB’).

Ademas e kapítulo ta kontené instrukshon pa formulashon di un pèrmit, formulashon di reglanan spesífiko, konkurensia di pèrmitnan di konstrukshon. Kordinashon di proseduranan entre minister i Kolegio Ehekutivo.

Ademas e kapítulo ta kontené un posibel obligashon di pèrmit pa establesimentu ku pisina i fasilidat pa landa, den e IAB ta indiká esakinan.

Kapítulo 6 Suela

E kapítulo akí ta duna posibilidat pa formulashon di regla pa protekshon di suela. Pa empresa tin menshon di regla pa protekshon di suela den e IAB.

Den e kapítulo akí ta enserá tambe un prohibishon di aktividat di koba i saka material ku ta baha e nivel di superfisie di suela (‘ontgronding’), sin pèrmit di Kolegio Ehekutivo. Ademas pa aktividat di koba i saka material for di suela tin mester tambe di un pèrmit di medio ambiente segun e IAB.

‘Ontgronding’ ta aktividat ku ta kousa ku nivel di altura di un tereno òf fòndu di un awa ta baha. Por ehèmpel koba pa saka material for di suela pa transportá esaki pa otro destino, eliminá un dam òf koba un marina òf saka suela pa transportá esaki pa deponé na otro destino.

Kapítulo 7 Rapòrt di Efekto pa Medio Ambiente

E kapítulo akí ta deskribí e eksigensianan na un rapòrt di efekto pa medio ambiente (‘milieueffectrapportage’ Mer) i e posibilidat pa indiká aktividat kaminda un Mer ta nesesario. E indikashon ta tuma lugá via e IAB, den suplemento 2. Kapítulo 4 di e IAB ta kontené instrukshon pa un Mer.

Ademas e kapítulo ta kontené tambe instrukshon pa informá konsehero i otro órgano di maneho.

Kapítulo 8 Medidanan den kaso partikular

Den e kapítulo akí ta deskribí un obligashon pa empresa pa limitá/deshasí daño na medio ambiente despues di un insidente ekstraordinario. Un insidente ekstraordinario ta un insidente ku ta distinto for di kasonan di un maneho empresarial normal.

Mester mèldu un insidente ekstraordinario di manera ku e órgano di gobièrnu por aktua.

Den e kapítulo tin instrukshon tokante duna informashon i posibilidatnan pa entregá gastu pa kompensashon. E kapítulo tambe ta hasi posibel ku pa sierto kategoria di empresa ta nesesario un rapòrt di siguridat pa motibu ku tin un posibilidat mas grandi pa un insidente grave. Den e IAB ta indiká tiponan di empresa # IV.

Kapítulo 9 Materia

E kapítulo akí no ta vigente.

Kapítulo 10 Supervishon, mantenshon i stipulashon di kastigu

Den e kapítulo akí ta trata e nombramentu dor di minister di funshonario públiko pa ehekutá supervishon.

Aki tin deskribí kon mantenshon por tuma lugá segun lei atministrativo. Kua instrumento Kolegio Ehekutivo tin na su disposishon. Artíkulo 4.4 i 5.1 t/k 5.3 di e Lei General di Atministrashon (‘Algemene Wet Bestuursrecht AWB’) ta aplikabel.

Den e kapítulo ta inkluí un obligashon di entrega di dokumento na e minister i visevèrsa na Kolegio Ehekutivo. Tin menshon di instrukshon pa mantenshon i supervishon efektivo i ta stipulá eksigensia di kualidat. E minister di Infrastruktura i Maneho di Awa Públiko (IenW) ta responsabel pa kordinashon di e supervishon. Tambe e kapítulo ta kontené e deskripshonnan di kastigu pa e violashonnan di lei.

Kapítulo 11 Demas konseptonan

• Proseso di kontinuá entrega di un petishon,
• Firmamentu di un petishon,
• Pidi informashon relashoná ku un petishon,
• Kanselá tratamentu di un petishon,
• Dekreto di rechaso di un petishon,
• Kapasitá posibel partidonan di interes pa entregá opheshon,
• Término konsiderabel di toma di desishon ta mas kòrtiku ku 16 siman
• Posibilidat di mantené sekresia di parti di petishonario