E Dekreto di establesimentu i aktividat BES

E Dekreto di establesimentu i aktividat BES (Inrichtingen- en Activiteitenbesluit Bes – IAB BES) ta kuminsá ku regla ku ta konta pa tur tipo di empresa. Esakinan ta por ehèmpel e konseptonan ku tin den e dekreto, un deskripshon di e tiponan di empresa i e obligashon di kuido. E obligashon di kuido ta nifiká ku un empresa no tin mag di okashoná daño na medio ambiente òf ku e mester prevení òf limitá esaki mas tantu posibel.

Den kapítulo 2 tin regla pa empresa di tipo 1 i tipo 2. Esakinan ta empresanan ku ta ehekutá aktividatnan ku tin tiki konsekuensia òf konsekuensia limitá pa medio ambiente. Ta trata di regla tokante hasimentu di un notifikashon i intrukshonnan spesífiko pa un aktividat. Ku un instrukshon spesífiko pa un aktividat, bo empresa den sierto kasonan tin mag di desviá for di un intrukshon. E ora ei por formulá un instrukshon spesífiko pa un aktividat. Esaki por sosodé riba bo petishon òf Kolegio Ehekutivo por imponé esaki.

E reglanan tokante un pèrmit di medio ambiente i tokante hasi petishon pa un pèrmit di medio ambiente ta den kapítulo 3.

Kapítulo 4 ta bai tokante e raportahe di impakto riba medio ambiente (milieueffectrapportage - mer). E ‘mer’ akí ta un investigashon pa loke ta trata e posibel konsekuensianan pa medio ambiente debí na sierto aktividatnan, planifikashonnan òf proyektonan.

E eksigensianan di kalidat ku organisashonnan di supervishon i mantenshon di lei mester kumpli kuné ta den kapítulo 5. Ta trata di eksigensianan pa formulá un maneho di supervishon i mantenshon di lei i un programa di ehekushon.

Den kapítulo 6 tin e derecho di transishon. E derecho di transishon ta regla te ki dia e reglanan bieu ta keda na vigor i for di ki dia e reglanan nobo for di e Dekreto di establesimentu i aktividat BES ta drenta na vigor.

Den e konsepto di teksto di e Dekreto di establesimentu i aktividat BES bo por haña tur instrukshon.