Kompania di buseo
Un kompania di buseo ta un empresa ku ta ofresé diferente servisio relashoná ku sambuyamentu, manera: mantenshon i reparashon di silinder di buseo, yena silinder di buseo, hür silinder di buseo i naturalmente duna lès di buseo. Pa sambuyamentu den laman tin regla na vigor a base di e ordenansa di naturalesa pa parke bou di laman. Pa almasenahe i yenamentu di silinder di buseo tin regla stipulá den e Dekreto di Establesimentu i Aktividat (Inrichtingen en Activiteitenbesluit – IAB) pa redusí riesgo pa e serkania direkto.
Mayoria kompania di buseo ta kai bou di e reglanan general pa medio ambiente, i nan no tin mester di un pèrmit di medio ambiente apart. Pa yena un silinder ku oksígeno no tin mester di un pèrmit di medio ambiente. E reglanan general ta bai tokante e manera ku un kompania di buseo ta hinká den otro na nos isla, tokante almasenamentu di silinder di buseo i tokante instrukshon di zonido na momentu di uso di kòmprèsòr.
Regla di naturalesa pa kompanianan di Buseo
E eksigensianan di medio ambiente ta komplementá e reglanan ku gobièrnu di e entidat públiko a stipulá a base di e maneho di establesimentu, i a base di protekshon di e parke bou di laman. Pa motibu ku sambuyamentu ta tuma lugá den e parke bou di laman, hopi biaha a stipulá vários eksigensia pa protekshon di e parke bou di laman tambe. Tin algun diferensia den e ordenansa di naturalesa pa kada isla. Den e ordenansa di naturalesa por tin un obligashon di pèrmit pa yenamentu di silinder di buseo ku kòmprèsòr i mas aleu tin eksigensianan stipulá pa kalidat di e aire komprimí.
| Boneiru | Sint Eustatius | Saba | |
|---|---|---|---|
|
Ordenansa insular pa parke bou di laman (Eilandsverordening onderwaterpark) |
Eilandsverordening Marien Milieu | Eilandsverordening Marien Milieu | |
|
Dekreto insular parke bou di laman (Eilandsbesluit onderwaterpark) |
|||
|
Mas informashon tokante regladi naturalesa meer informatie natuurregels |
Website Bonaire bedrijfsmatige-activiteiten in het onderwaterpark |
Openbaar Lichaam Sint Eustatius: Licensing, Supervision, & Enforcement | Starting a Business on Saba | Public Entity Saba |
Regla di Medio Ambiente pa Kompania di Buseo..
Akí bou bo ta lesa tokante e reglanan di medio ambiente ku ta na vigor na Boneiru i Sint Eustatius (pa Saba nan no ta vigente ainda).
Obligashon di kuido
Ta verwagt di un kompania ku e ta kuida su alrededor. Un kompania tin e tarea pa evitá daño na naturalesa. E obligashon pa kuido de fakto ta para pa ‘good housekeeping’ o sea: un bon estado i bon mantenshon di e kompania. Esaki ta nifiká por ehèmpel mantenshon, reparashon i limpiesa di e filternan i e aparatonan.
Otro tipo di legislashon tambe konosé un obligashon di kuido. A base di e leinan di arbo por ehèmpel, e obligashon di kuido ta na vigor pa protehá bo personal pa medio di bisti medionan personal di protekshon (persoonlijke beschermingsmiddelen - PBM's of PPE's).
Spar Energia
Un manera pa redusí preshon riba medio ambiente ta pa anda na un manera ekonómiko ku energia. Pensa riba ponementu di iluminashon ku ta usa ménos energia, manera iluminashon LED. Paga tinu tambe riba uso di kòmprèsòr ku ta usa ménos energia i riba kombatimentu di lèkmentu den e instalashon di aire komprimí.
Shushi
Mester evitá mas tantu posibel ku ta surgi shushi. Mester almasená shushi na un manera separá. Ta trata di e siguiente tiponan di shushi:
- karton i papel
- plèstik
- aluminio
- glas
Un kolektadó ku Kolegio Ehekutivo a indiká ta kolektá shushi, òf e kompania ta hiba e shushi pa e kolektadó akí.
Silinder di buseo
Mester kùr tur silinder di buseo. Nan mester por wanta preshon di e aire komprimí. E eksigensianan pa kùrmentu ta inkluí den e Areglo di Establesimentu i Aktividat (Regeling Inrichtingen en Acitiviteiten – RIA).
A base di reglanan di medio ambiente no a inkluí eksigensianan di kalidat pa aire komprimí. Esaki ta stipulá den dekretonan insular relashoná ku naturalesa kaba.
Ta almasená silinder di buseo ku no ta nesesario pa uso diario den un espasio spesial pa almasenahe.
Suela
Líkido ku ta forma un menasa pa suela no tin mag di resultá den suela. Kontrolá e instalashon regularmente pa wak si tin zeta ta lèk. Pèrkurá pa fangu zeta ku ta lèk na e kòmprèsòr. Por ehèmpel pa medio di pone e kòmprèsor den un baki pa fangu lèkmentu òf riba un flur ku ta wanta líkido. Ora di basha kombustibel for di un kontenedor pa un otro, pèrkurá pa hasi esaki riba un baki pa fangu lèkmentu.
Supstansia peligroso
Mester warda supstansia peligroso den un almasenahe apart, ku eksepshon di e supstansianan peligroso ku bo tin mester riba un dia.
Instalashon pa fria
Mester evitá ku refrigerante (líkido pa fria) ta bini liber for di un instalashon di èrko. Pèrkurá pa bon mantenshon. Riba e página di instalashon pa fria por haña mas informashon tokante esaki.
Warda e rapòrtnan di mantenshon huntu ku e instalashon òf den e kompania. Den e rapòrtnan akí tin en todo kaso informashon tokante e kantidat i e tipo di refrigerante:
-
ku e aparato ta yená kuné,
-
ku a agregá na e aparato durante instalashon, mantenshon i reparashon,
-
ku a resiklá òf eliminá.
Awa sushi
Mester evitá ku ta surgi awa shushi. No tin mag di deshasí di awa shushi no-purifiká riba suela, pero mester deshasí di esaki den un sistema di awa shushi (kloaka) òf un sistema di purifikashon di awa shushi, manera un tanki séptiko.
Prevenshon di kandela
Mester tin sufisiente ekipo di paga kandela presente pa por paga un kandela ku ta kuminsando.
Notifikashon
Pa regulashon di medio ambiente, mayoria biaha un kompania di buseo ta un establesimentu tipo 2. Esaki ta nifiká ku 4 siman promé ku komienso òf kambio di bo kompania di buseo, bo tin ku hasi un notifikashon na Kolegio Ehekutivo.
Den kaso di kambio, un notifikashon ta solamente nesesario ora surgi un desviashon di informashon ku a duna anteriormente. Tokante notifikashon tin mas informashon riba e página di Notifikashon.
Kompania di Buseo i Otro Kompanianan
Por t’asina tambe ku bo kompania di buseo ta forma parti di un otro kompania, òf ku e ta situá na un risòrt. Den e kaso ei mester wak tur aktividat, i mester hasi un notifikashon pa tur aktividat. Por t’asina tambe ku un pèrmit ta nesesario pa henter e risòrt.
Permit di medio ambiente
Un pèrmit di medio ambiente pa un kompania di buseo no ta nesesario pa aktividatnan típiko di reparashon. Pa un otro motibu sí t’asina ku un kompania di buseo tin mester di un pèrmit di medio ambiente..
Un motibu por ta:
- e kantidat di silinder di buseo den almasenahe.
- yenamentu di silinder di buseo for di un tanki di almasenahe.
- pa motibu ku e kompania di buseo ta forma parti di un otro kompleho kaminda un obligashon di pèrmit ta na vigor.
Base Legal pa regla di medio ambiente
E base di e reglanan di medio ambiente ta e Lei vrom BES. Bou di e lei akí a stipulá un dekreto i un areglo ministerial. E ‘Dekreto di Establesimentu i Aktividat BES’ (Inrichtingen en activiteitenbesluit BES – IAB) i e ‘Areglo di Establesimentu i aktividat’ (Regeling inrichtingen en activiteiten – RIA). Wak e páginanan bou di Splikashon kòrtiku tokante reglanan di medio ambiente . Na e reglanan nashonal akí, na Sint Eustatius nan a agregá reglanan insular.
E instrukshon pa obligashon di pèrmit bo ta haña den Anekso 1 Dekreto di Establesimentu i Aktividat BES
Lista di chekeo
-
A kùr e silindernan di buseo?
-
No tin lèkmentu den e tuberia di aire komprimí di e kòmprèsòr?
-
A pone e kòmprèsòr riba un sistema pa redusí trelmentu?
-
E kòmprèsòr ta den un espasio apart?
-
No tin muchu hopi silinder di buseo pafó di e espasio di almasenahe?