Yena kombustibel den boto/barku
Na momentu di yena kombustibel den boto/barku, kombustibel líkido manera disel òf gasolin, por resultá den laman. Tin regla konteniendo kondishonnan relashoná ku prevenshon di kontaminashon di laman òf kon por limitá kontaminashon.
Riba e página akí
Splikashon di e aktividat
Entrega di kombustibel na boto/barku ta tuma lugá riba laman, for di un punto di entrega na kantu. Pa motibu di bashamentu afó i aktuashon deskuidá tin un chèns ku disel òf gasolin ta resultá den laman.
Na unda ta haña nan
E reglanan pa yena kombustibel den boto/barku ta den artíkulo 3.1.4 i artíkulo 3.1.5 di e Areglo di Establesimentu i Aktividat BES.
Kua ta e reglanan ku ta na vigor
Personal profeshonal
Solamente personal profeshonal tin mag di yena kombustibel den boto/barku. Esaki ta nifiká ku yena kombustibel sin kontròl òf supervishon di personal profeshonal no ta pèrmití. Personal profeshonal ta personal di yagtháven ku ta na altura di e karakterístikanan peligroso di kombustibel líkido. Personal profeshonal sa tambe kon pa aktua den kaso di un insidente.
Aktuashon ora kombustibel basha afó
Mester tin sufisiente medio presente pa rùim òp un kontaminashon di laman. Por ehèmpel material di apsorshon òf un ‘oil boom’. Na momentu ku disel òf gasolin basha afó, mester hasi uso di e medionan akí pa kombatí e kontaminashon.
E hèndel pa yena kombustibel i uso di djèrikèn
Ora kaba yena kombustibel ta kologá e hèndel òf final di e slan riba un baki pa fangu líkido ku ta lèk ku ta sufisiente grandi pa fangu e disel òf e gasolin ku keda atras den e slan.
Ta usa e instalashon pa yena kombustibel solamente pa yena kombustibel den boto/barku i no tin mag di us’é pa yena djèrikèn òf otro tipo di artefakto pa yena líkido aden.
Un instalashon pa yena kombustibel instalá na kantu ta disponé di un hèndel ku un mekanismo ku ta stòp e yenamentu outomátikamente ora e tanki ta kombustibel ta yen.
Lista di chekeo
· Tin sufisiente material di apsorshon i otro medionan presente?
· E personal ta kapasitá pa prevení i kombatí kontaminashon?
· E entrega ta tuma lugá bou di supervishon di personal profeshonal?
· Reglamentu di haf: tin un reglamentu i tur hende ta traha konforme e reglamentu akí?