komersio por menor

Riba e página akí

• Splikashon di e aktividat
• Na unda haña nan
• Kua ta e reglanan ku ta na vigor
• Lista di chekeo

Splikashon di e aktividat

Den kaso di komèrsio por menor tin aktividat por ta tumando lugá pa kua tin regla di medio ambiente na vigor. Algun di e aktividatnan akí ta:

· almasenahe di produkto residual

· deshasí di awa shushi

· instalashonnan grandi pa fria den por ehèmpel supermarket

E aktividatnan akí por okashoná kontaminashon di suela òf aire. Pa evitá esaki òf pa limitá esaki mas tantu posibel, tin regla di medio ambiente na vigor.

Na unda ta haña nan

E reglanan pa tienda ta den e Areglo di Establesimentu i Aktividat BES. Por ta trata di diferente tópiko, manera:

· almasenahe di produkto residual: artíkulo 2.1.1

· deshasí di awa shushi: artíkulo 2.2.1 i artíkulo 2.2.2

· instalashon pa fria: parágrafo 2.13.1

Reglanan adishonal ta den e Ordenansa Insular Establesimentu i Aktividat. E ordenansa insular akí ta den desaroyo ainda.

Kua ta e reglanan ku ta na vigor

Produkto residual

Trabou den komèrsio por menor hopi biaha ta trese desperdisio kuné. Por ehèmpel material di empake. En todo kaso produktonan residual tin ku keda separá den forma di karton i papel, plèstik, aluminio i glas. Bo tin ku deshasí di produktonan residual di bo empresa via un kolektadó rekonosé. Pa mantené bo empresa limpi, esaki tin ku sosodé regularmente.

Awa shushi

Ta deshasí di awa shushi den kloaka, si bo empresa ta konektá riba esaki. Si no tin kloaka, mester deshasí di e awa shushi den un fasilidat di purifikashon, manera un tanki séptiko.

Si no tin tanki séptiko ni kloaka, e ora ei ta pèrmití pa deshasí di awa shushi den un berpùt. Pa esaki derecho di transishon ta na vigor. Esaki ta pará den artíkulo 4.1.1 di e Areglo di Establesimentu i Aktividat BES.

Instalashon pa fria

Pa un instalashon pa fria, manera èrko òf kuler grandi, tin regla pa hasi mantenshon i inspekshon. Un splikashon tokante instalashon pa fria bo ta haña riba e página Instalashon pa fria.

Lista di chekeo

Paga bon tinu riba e siguiente puntonan na momentu di kuminsá i ehekutá e aktividat:

· Bo tin èrko?

· Ta almasená i entregá e produktonan residual, manera karton i glas, separadamente?

· Bo ta laga nan deshasí di bo produktonan residual regularmente, di manera ku bo empresa ta limpi di desperdisio?