Haf di yate (Jachthaven)

Riba e página akí

Loke bo mester sa tokante un haf di yate:

• Splikashon di e aktividat
• Na unda
• Tipo di empresa
• Notifikashon
• Prohibishonnan i kondishonnan
• Lista di chekeo

Splikashon di e aktividat

Tin kestion di un haf di yate ora ta ofresé oportunidat pa mara minimalmente 10 yate.

Ta mira e yatenan ku ta den e haf di yate komo parti di e empresa. Esaki ta nifiká ku banda di personal di e haf di yate, e doñonan di boto tambe tin ku tene nan mes na e reglanan ku ta na vigor pa e haf di yate.

Tin regla pa tumamentu di produktonan residual i awa shushi.

Ora ku tin ménos ku 10 lugá pa mara boto? E ora ei e Areglo Establesimentu i Aktividat BES no ta yama esaki un haf di yate. Esaki ta inkluí den anekso 1 di e dekreto akí. Por tin otro regla sí na vigor, por ehèmpel pa andamentu ku produktonan residual. Na un haf di yate por ehekutá otro aktividat tambe. Pensa akí riba un restorant òf reparashon i spùitmentu di boto.

Na unda

E reglanan pa haf di yate ta den parágrafo 3.2.1 di e Areglo Establesimentu i Aktividat BES.

Tipo di empresa

Un haf di yate ta un empresa di tipo 2.

Notifikashon

Pa e aktividat akí bo tin ku hasi un notifikashon na Entidat Públiko Boneiru pa mas tardá 4 siman promé ku lantamentu òf kambio di e empresa. Kua ta e informashonnan ku bo tin ku entregá, bo ta lesa riba e página notifikashon di aktividat di medio ambiente.

Prohibishonnan i kondishonnan

Tumamentu di produktonan residual

Den e haf di yate mester tin fasilidat presente pa tumamentu di produktonan residual di botonan di plaser ku a mara den e haf. Ta tuma en todo kaso e siguiente produktonan residual:

• Zeta i gris bieu di mantenshon di boto
• Produktonan residual ku ta kontené zeta i gris di mantenshon di boto
• Produktonan residual di trabou di reparashon i trabou di mantenshon di boto
• ‘Bilgewater’, esaki ta un meskla di awa i zeta ku ta surgi den e kamber di mashin di un boto
• Awa shushi doméstiko
• Kontenido di tualèt kímiko

Mester rekolektá e produktonan residual den un forma separá. Banda di esei e tereno di e haf di yate tin ku keda liber di desperdisio. Esaki por pa medio di asina tantu biaha ku ta nesesario (laga) transportá produktonan residual for di e establesimentu pa un rekolektador ku Kolegio Ehekutivo a designá.

Instrukshon pa awa shushi

Mester deshasí di e awa shushi ku ta keda rekohé na e haf di yate den kloaka (sistema públiko di awa shushi òf pa medio di un fasilidat di purifikashon). Pa ‘bilgewater’ ta konta ku bo ta kondusí esaki promé atraves di un pos di fangu sedimentu (slib) i un separadó di zeta bon mantené promé ku deshasí di dje den kloaka. Mester transportá e frakshon di zeta pa un rekolektadó di desperdisio.

Lista di chekeo

Paga bon tinu riba e siguiente asuntunan na momentu di kuminsá i ehekutá e aktividat:

• Bo por ofresé tur e puntonan di rekolekshon di (awa) shushi na e doñonan di boto?
• Konekshon riba fasilidat públiko di awa shushi òf fasilidat di purifikashon
• Instalashon di pos di fangu sedimentu (slib) i separadó di zeta pa ‘bilgewater’