Empresanan di garashi

Riba e página akí

Loke bo mester sa tokante e reglanan pa un empresa di garashi:

· Splikashon di e aktividat

· Kua ta e reglanan ku ta na vigor

· Notifikashon

Splikashon di e aktividat

Aktividatnan di empresanan di garashi ku tin di haber ku medio ambiente ta:

· Traha ku líkido ku ta un menasa pa suela, manera zeta di motor, zeta di brek, líkido pa fria, ásido di bateria.

· Trabounan di reparashon na bòdi, sgürmentu i spùitmentu di un kapa di protekshon.

· Almasenamentu di supstansianan peligroso.

· Mantenshon di èrko di outo.

Pa e aktividatnan akí a formulá regla. Banda di esaki pa empresanan di garashi tin regla tambe na vigor tokante kon pa anda ku produktonan residual, awa shushi, uso di energia i kombatimentu di molèster di zonido.

Kua ta e reglanan ku ta na vigor

Líkido, ku eksepshon di awa, no tin mag di resultá den suela. Traha riba un flur òf pone un baki pa fangu líkido kaminda ta traha ku líkido. Si tin líkido a lèk riba flur, limpia esaki mesora ku material ku por apsorbé e líkido, manera paña. Sòru pa e flur no bini den kontakto ku awa. No tin mag di deshasí di awa shushi ku ta kontené e líkidonan den un sistema di kloaka. Si tòg surgi awa shushi debí ku e flur ta muha ku awa di awaseru, e ora ei mester pone un separadó di zeta, promé ku tin mag di deshasí di e awa shushi akí den e sistema di kloaka.

Hasi un baki pa fangu líkido bashí den un barí spesial pa almasenamentu ku ta den e baki pa fangu líkido. Mester warda supstansianan peligroso den un depósito apart. Un stòk di bòter di gas mester ta den un depósito apart. Bai pokopoko ku koriente, instalá lus ku no ta usa hopi koriente, evitá ku aire di pèrs ta lèk.

Na un empresa di garashi tin mag di tin maksimalmente 4 kadaver di outo presente. Paga tinu riba kontaminashon di suela, eliminá tur líkido. E máksimo di 4 kadaver di outo no ta konta pa empresanan kaminda ta desmantelá outo, empresanan ku ta tou outo

kibrá òf dañá, òf si e almasenamentu ta tuma lugá den kuadro di investigashon di parti di polis òf hustisia.

Mester almasená i transportá produktonan residual den forma separá. Ta pèrmití pa entregá produktonan residual ku ta kontené zeta i produktonan residual peligroso manera zeta di brek, solamente serka un kolekshonadó indiká.

Notifikashon

Un empresa di garashi mayoria biaha ta un establesimentu tipo 2. Esaki ta nifiká ku bo tin ku hasi un notifikashon na Kolegio Ehekutivo 4 siman promé ku inisio òf kambio di bo empresa di garashi. Den kaso di kambio un notifikashon ta solamente nesesario si ta surgi un desviashon di e informashonnan entregá anteriormente. Mas informashon tokante notifikashon bo ta haña riba e página notifikashon.