Lei di VROM BES
Lei di vrom BES
E lei di Bibienda Popular, planifikashon espasial i maneho di medio ambiente BES, Lei di vrom BES, ta kontené e kuadro di plan di desaroyo espasial di e ambiente di biba. E Medidanan General di Gobernashon, areglonan ministerial i e ordenansanan insular ta sigui yena e kuadro di e Lei. Asina por sosedé ku denter emesun kuadronan pa kada isla por tin diferensia.
Kontenido di Lei di vrom BES
Pa protehá e medio ambiente i e ambiente di bida na Boneiru, Sint Eustatius i Saba mas tantu posibel ta praktiká e Lei di Bibienda Popular, planifikashon espasial i maneho di medio ambiente BES (‘Wet vrom BES’).
Medida general di gobernashon
Un medida general di gobernashon (‘algemene maatregel van bestuur (AMvB’) ta un desishon ku gobièrnu ta tuma ku ta elaborá detaye di un lei.
Areglonan Ministerial
Un areglo generalmente obligatorio òf un otro desishon di índole reguladó establesé pa un Minister òf Sekretario di Estado ta denominá komo un “areglo ministerial”.
Ordenansanan Insular
Un ordenansa ta kontené regla ku ta vigente pa tur hende denter di e teritorio insular. Konseho Insular ta stipulá e ordenansanan akí.
Famia di lei
Banda di e Lei di vrom BES tin tambe e Lei di maneho marítimo BES (‘Wet maritiem beheer BES’), e Lei di Base pa planifikashon di desaroyo espasial BES (‘Wet grondslagen ruimtelijke ontwikkelingsplanning BES’), Lei di Base pa mantenshon i protekshon di naturalesa BES (‘Wet grondslagen natuurbeheer- en bescherming BES’) ta e kuadro di planifikashon di ambiente di biba na Hulanda Karibense. Ta trata e legislashon akí den e punto di informashon di medio ambiente, solamente tin kaso di un konkurensia.