Toren di friamentu húmedo

Riba e página akí

• Kiko ta un toren di friamentu húmedo
• Investigashon di kontagio ku legionela
• Riesgo pa e bisindario

Kiko ta un toren di friamentu húmedo

Un toren di friamentu húmedo ta un instalashon ku nan ta usa pa deshasí di ekseso di kayente for di prosesonan di produkshon i for di edifisionan pa medio di neblinashon di awa. E reglanan pa e toren di friamentu húmedo ta konta pa henter e instalashon, no solamente kaminda e neblinashon ta tuma lugá. Un ehèmpel di un toren di friamentu húmedo, ta un toren di friamentu di un edifisio ku ta sòru pa friamentu di e edifisio. Hopi biaha un toren di friamentu ta di tamaño grandi i mayoria biaha e ta situá na haltu. Hopi biaha e ta bon visibel, a ménos ku pa motibunan estétiko e ta integrá den e edifisio.

Investigashon di kontagio ku legionela

Ora ku bo tin un toren di friamentu, bo tin ku hasi investigashon di e riesgonan di kontagio ku legionela. Den e análisis di riesgo akí mester enbolbí en todo kaso e siguiente puntonan:

• E riesgo pa oumento di bakteria di legionela den e toren di friamentu debí na: E tipo di kalidat di awa ku ta usa, temperatura di e awa, tempu ku e awa ta keda eiden, si e awa ta keda para ketu, presensia di biofilm (un kapa di mikro-organismo) i sedimento, maneho di e toren di friamentu húmedo.
• Efektividat di e programa di tratamentu di e awa kontra bakteria di legionela i formashon di biofilm.
• E riesgonan pa e bisindario.

Riesgo pa e bisindario

E kategorianan di riesgo den e investigashon ta dependiente di e distansia for di ubikashon di e toren di friamentu húmedo.

1. Ménos ku 200 meter for di un hòspital, kas di kuido òf otro instansia

a ku orientashon médiko, kaminda tin hende ta hospedá ku un sistema inmunitario redusí.

2. Ménos ku 200 meter for di un kas di kuido, hotèl òf otro edifisio kaminda tin hopi hende.

3. Ménos ku 600 meter for di un bisindario kaminda hende ta biba

4. Mas ku 600 meter for di un bisindario kaminda hende ta biba