Stashon ‘booster’ di kloaka, instalashon pa pòmp awa di kloaka manda otro sitio

Den e Areglo Establesimentu i Aktividat BES (Regeling inrichtingen- en activiteiten BES - RIA BES) tin regla pa instalashon pa pòmp awa di kloaka. E reglanan ta bai tokante kon pa anda ku molèster di holó.

Riba e página akí

• Kiko ta un instalashon pa pòmp awa di kloaka
• Prohibishonnan i preskripshonnan

Kiko ta un instalashon pa pòmp awa di kloaka

Un instalashon pa pòmp awa di kloaka ta un instalashon pa pòmp awa di kloaka manda otro sitio, bùfer (almasená) òf manda esaki den un otro direkshon. Ta usa esaki den un sistema di kloaka pa manda awa shushi na un nivel mas haltu òf transportá esaki riba un distansia largu. Ehèmpel di e instalashonnan akí ta stashon ‘booster’ i stashon ‘vacuum’. E reglanan ta bai tokante kombatimentu di kontaminashon di aire i molèster di holó.

Prohibishonnan i preskripshonnan

Molèster di holó

Na un instalashon di kloaka por surgi molèster di holó. Pa evitá molèster di holó na promé lugá bon mantenshon ta nesesario. Banda di esei sierto medidanan por ta nesesario pa kombatí molèster di holó.

Medidanan ku bo por tuma pa evitá molèster di holó ta aplikashon di felter pa tratamentu di aire, manera un biofelter òf karbon aktivo. No tin un norma fiho pa holó, pero mas tantu posibel mester evitá molèster di holó òf limitá esaki te na un nivel akseptabel.