Intalashon pa friamentu

Riba e página akí

→ Kiko ta un instalashon pa friamentu

→ Prohibishonnan i kondishonnan

→ Intalashonnan pa friamentu pa kua tin reglanan general na vigor

→ Tipo di produkto pa fria kuné

→ Regla pa mantenshon di instalashon pa friamentu

→ Anda ku lèkmentu

Kiko ta un instalashon pa friamentu

Un instalashon pa friamentu ta un kombinashon di diferente parti yená ku un produkto pa fria kuné i tur aparato ku ta nesesario pa un bon funshonamentu di e sistema di friamentu. E diferente partinan ta konektá ku otro i ta forma un sirkuito den kua un produkto pa fria kuné ta sirkulá. Meta di e instalashon pa friamentu ta pa apsorbá òf liberá kayente. Instalashonnan pa vris i ‘heat pump’ i èrko ta kai bou di e konsepto di instalashon pa friamentu.

Prohibishonnan i kondishonnan

Instalashonnan pa friamentu pa kua reglanan general ta na vigor

Instalashonnan pa friamentu pa kua reglanan general ta na vigor, ta instalashonnan ku un kontenido di por lo ménos:

• 10 kilo di dióksido di karbon, òf
• 5 kilo di hidrógeno di karbon, òf
• 1 kilo di produkto sintétiko pa fria kuné, òf
• 10 te maksimalmente 1500 kilo di amoniak

Tipo di produkto pa fria kuné

Tin un variedat grandi di produkto pa fria kuné. Importante ta ku nan no ta sali bai den medio ambiente. Den pasado nan tabata usa hopi hidrógeno di karbon fluor, ku ta malu pa e kapa di ozòn. E produktonan pa fria kuné ku nan ta usa awor akí tambe tin desbentaha si nan sali bai. Por ehèmpel amoniak ta venenoso i inflamable.

Regla pa mantenshon di instalashon pa friamentu

Bo tin ku mantené bo instalashon pa friamentu bon. Por lo ménos un biaha pa aña bo tin ku laga un kompania eksperto inspektá bo instalashon pa friamentu. E instansia ku ta kùr ta wak si e instalashon ta funshoná seif ainda i si tin lèkmentu den e sirkuito di friamentu. Ta importante ku e instalashon pa friamentu semper ta fásilmente aksesibel pa operashon, inspekshon i mantenshon.

Bo mes no tin mag di saka e produkto pa fria kuné for di e instalashon pa friamentu. Un persona ku kualifikashon adekuá tin ku hasi esaki. Ora ku a base di inspekshon resultá ku mester hasi mantenshon na e instalashon, kaminda mester saka e lídiko pa fria kuné, òf ora ku bo ke kita e instalashon, un persona ku kualifikashon adekuá mester saka e produkto pa fria kuné promé. Por usa e produkto pa fria kuné di nobo, por regenerá e produkto òf por destruí e produkto.

Warda e rapòrtnan di mantenshon den serkania di e instalashon òf den e empresa. Den e rapòrtnan akí en todo kaso tin informashon tokante:

· E kantidat di kilo i e tipo di produkto pa fria kuné ku kua e aparato ta yená.

· E kantidat di kilo i e tipo di produkto pa fria kuné ku a añadí na e aparato durante instalashon, mantenshon òf servisio i reparashon.

· E kantidat di kilo i e tipo di produkto pa fria kuné ku a rekuperá òf ku a deshasí di dje.

Anda ku lèkmentu

Ora bo ta sospechá ku tin lèkmentu, bo tin ku paga e aparato. Na momentu ku seguidamente resultá ku tin lèkmentu, bo tin ku sòru pa repará e aparato sin posponé esaki innesesariamente. Dentro di un luna despues di e reparashon, un kompania eksperto mester kontrolá e instalashon, pa proba ku nan a hasi e reparashon bon.

Akí tin algun sertifikado i akreditashon ku instaladónan na Boneiru por tin den nan poder:

• Sertifikado STEK: esaki ta un sertifikado rekonosé na Oropa pa instaladónan di sistema di friamentu i èrko, ku kua ta proba ku nan ta kumpli ku e eksigensianan pa traha ku produktonan i gasnan pa fria kuné.
• Sertifikado NEN 3140: Esaki ta un norma hulandes pa traha seif ku instalashonnan i aparatonan eléktriko. Instaladónan ku tin e sertifikado akí ta disponé di e konosementu i abilidatnan adekuá pa traha seif ku aparatonan eléktriko.
• Sertifikado BRL6000: Esaki ta un sertifikado ku nan ta eksigí pa instaladónan di instalashonnan di energia sostenibel, manera panel di solo i ‘heat pump’. E sertifikado akí ta proba ku e instaladó ta kumpli ku e eksigensianan pa diseñá, instalá i mantené instalashonnan di energia sostenibel.
• Sertifikado VCA: Esaki ta un sertifikado ku nan ta eksigí pa empresanan ku ta ehekutá trabou ku riesgo haltu, manera instaladó di sistema pa friamentu i èrko. E sertifikado VCA ta proba ku e instaladó ta traha seif i ku e ta kumpli ku e normanan di siguridat ku nan ta eksigí.