Instalashon di kombustion (motor)

Riba e página akí:

• Kiko ta un instalashon di kombustion
• Prohibishonnan i kondishonnan

Kiko ta un instalashon di kombustion

Instalashonnan di kombustion no ta solamente ketel den kua ta kima kombustibel, pero tambe motor di kombustion. Ta trata akí di instalashon, manera instalashon di koriente di emergensia, djènereiter, turbina. Kiko un kombustibel standart ta, ta deskribí den e Establesimentu i Aktividat BES. Ta trata akí di:

• gas propano
• gas butano
• kombustibel den forma líkido, manera gasolin, disel, kerosin, pero tambe biodisel ku ta kumpli ku NEN-EN 14214

Prohibishonnan i kondishonnan

Kombatí kontaminashon di aire

Un instalashon di kombustion ta okashoná kontaminashon di aire. Bo por limitá esaki pa medio di sòru ku e instalashon ta korektamente ahustá. Banda di esaki ta importante ku bo ta tene e periodonan di startmentu i pagamentu di e instalashon di kombustion mas kòrtiku posibel. Di e manera akí bo ta evitá formashon di kontaminashon èkstra.

Bo instalashon di kombustion no tin mag di emití mas emishon ku e balor límite di emishon stipulá. Esakinan bo ta haña akí bou den e tabèl.

Ki ora un balor límite di emishon no ta na vigor

Den sierto kasonan bo instalashon di kombustion no tin mester di kumpli ku e balornan límite di emishon.

Areglo di 500 ora

Si bo instalashon di kombustion ta ménos ku 500 ora pa aña operashonal, e balornan límite di emishon no ta na vigor. Pa bini na remarke pa e eksepshon akí, tur luna bo tin ku registrá e kantidat di ora ku e intalashon di kombustion ta operashonal pa aña. Bo por hasi esaki ku un kontadó di ora òf un indikadó di kombustibel.

Pero e eksepshon akí no ta konta si bo ta usa un motor di disel pa generá koriente, miéntras e ret di koriente públiko ta disponibel i bo no ta hasi un tèst di nesesidat empresarial planifiká.

Instalashon di kombustion ku funshon direkto

Ora bo tin un instalashon di kombustion kaminda ta usa e produktonan di gas di e proseso di kombustion pa direktamente kenta, seka òf trata sierto ophetonan òf materialnan. Ehèmpelnan di esaki ta antorcha i fòrnu i sekadó ku funshon direkto di kombustion.

Midi i kalkulá e balornan límite di emishon

Pa kontrolá si e emishonnan ku bo instalashon di kombustion ta emití ta keda bou di e balornan límite di emishon, komo doño di bo empresa bo tin ku laga midi esaki minimalmente un biaha kada 4 aña.

Loke nan midi pa óksido di nitrógeno, dióksido di suafel, stòf total mester keda dedusí na un grado spesífiko di oksígeno. Di e manera akí por kompará e emishonnan ku e balornan límite di emishon.

Esakinan ta:

• 15% pa motor di kombustion òf turbina di gas
• 3% den tur otro kaso

Banda di esaki bo ta kalkulá e emishon di óksido di nitrógeno pa medio di ekspresá e masa-konsentrashon di óksido di nitrógeno (NOx) den masa-konsentrashon di dióksido di nitrógeno (NO2).

Protekshon di suela

Ora bo ta yena e instalashon di kombustion, òf hasi esaki bashí, ku un kombustibel líkido, bo tin ku evita ku ta surgi kontaminashon di suela. Bo tin ku hasi esaki riba un fasilidat di suela sólido / inpenetrabel. Di e manera akí bo ta evitá ku e kombustibel ta kontaminá e suela.