Kompanianan di konstrukshon
Pa kompanianan di konstrukshon, kompanianan di instalashon i kontratistanan e reglanan di medio ambiente di e Dekreto di Establesimentu i Aktividat BES ta na vigor.
Na momentu di konstruí, drecha i hasi mantenshon na bibienda i edifisio, òf na momentu di trabou di instalashon na bibienda por surgi kontaminashon di medio ambiente. Nan ta traha ku líkido ku ta un menasa pa suela, manera zeta i fèrf. Por surgi molèster di zonido debí na e trabounan i tin desperdisio ta bini liber.
Akí bou bo ta lesa tokante e Reglanan di Medio Ambiente ku ta na vigor na Boneiru i Sint Eustatius. Tin algu ku no ta kompletamente komprendibel? E ora ei tuma kontakto ku e Punto di Informashon Medio Ambiente.
Riba e página akí:
Obligashon di kuido
Ta verwagt di bo komo kompania ku bo ta kuida medio ambiente. Komo kompania bo ta evitá ku bo ta okashoná daño na naturalesa, por ehèmpel pa medio di no basha awa kontaminá afó i separá shushi adekuadamente.
De fakto e obligashon di kuido ta para pa ‘good housekeeping’ o sea: un bon estado i bon mantenshon di e kompania. Esaki ta nifiká por ehèmpel: drecha fasilidatnan pa protekshon di suela na tempu, manera drechamentu di sker den flur di betòn òf mantenshon, reparashon i limpiesa di tur filter, aparato i instalashon, di manera ku e aparatonan i mashinnan ta keda funshoná bon.
Bon uso di materia prima
Boneiru ta un isla chikitu ku un ekosistema frágil. Pa medio di anda kuidadosamente ku materia prima, manera awa, energia i material di konstrukshon, nos ta konservá nos paisahe natural. Esaki ta importante pa motibu ku nos isla ta dependé di su naturalesa pa turismo i biodiversidat. E no ta ekonomisá solamente riba uso di energia i awa, pero e ta redusí tambe e kantidat di shushi ku mester keda prosesá, loke ta spar tantu sèn komo materia prima.
Separá shushi
Mas tantu posibel mester almasená i transportá shushi den un forma separá. Hopi shushi ta adekuá pa reuso, manera material di piedra, betòn i palu. Shushi ku sigur mester entregá apart ta papel i karton, plèstik, aluminio i glas. Asina tantu biaha ku ta nesesario mester laga un kolektadó rekonosé transportá e shushi.
Asbèst
Ora ku durante trabou topa ku asbèst, mester anda ku hopi koutela. Mester evitá ku asbèst ta plama den ambiente di biba, mester paket’é i transporté apart. No tin mag di almasen’é den bo kompania. Pa trahamentu ku asbèst tambe tin regla na vigor for di e dekreto di sirkunstansia laboral pa protekshon di empleado. Pa mas informashon wak e wèpsait di RCN (e ta habri den un bentana nobo)
Awa shushi
Ta deshasí di awa shushi sanitario i otro awa shushi doméstiko den kloaka òf den un tanki séptiko.
No tur awa shushi di bo kompania tin mag di bai den kloaka òf den un tanki séptiko. Por deshasí di awa shushi ku ta bini liber ora di basha betòn, riba suela. Esaki no tin mag di resultá den kloaka òf den un tanki séptiko.
Te ku 1 di yanüari 2029 ta pèrmití ainda pa deshasí di awa shushi den un berpùt. Lo mester remplasá e berpùt pa un tanki séptiko òf un otro fasilidat di purifikashon di awa shushi.
Protekshon di suela i awa den suela
Líkido ku ta un menasa pa suela, manera zeta, ‘coatings’ i ‘thinners’, por kontaminá suela gravemente. Pa e motibu akí mester evitá lèkmentu i almasenahe defisiente di e líkidonan akí. Pa medio di almasená líkido ku ta un menasa pa suela den un empake apropiá riba of den un baki pa fangu lídiko ku ta lèk, ta evitá kontaminashon di suela. Si tòg tin líkido a resultá riba suela, e ora ei mester limpia esakinan inmediatamente. Ta importante pa tin sufisiente material di apsorpshon den stòk pa esaki.
Supstansia peligroso
Supstansianan peligroso no ta solamente un menasa pa suela, pero nan por representá un peliger pa kandela tambe òf nan por ta venenoso. Banda di e stòk di dia, mester almasená supstansianan peligroso na un manera apartá. E espasio di almasenahe mester disponé di un forma di resistensia kontra kandela i e mester tin e etiketanan korekto ku instrukshon riba dje. Bo por haña esaki bèk den e areglo (e ta habri den un bentana nobo)
Bòter di gas
Bo tin mas ku 125 liter di bòter di gas yen i bashí? Warda esakinan den un fasilidat pa almasenahe. E stòk di gas pa traha kuné no tin mester di bai den e almasenahe. Traha seif, protehá bòter di gas di tal manera ku nan no por kai.
Molèster di zonido
Trabou di konstrukshon por okashoná bastante molèster pa e bisindario. Tene kuenta ku e bisindario ora di hasi sierto trabounan. Traha por ehèmpel den oranan ku tin ménos hende den serkania i informá e bisindario. Sòru pa bo personal bisti medionan di protekshon personal: Persoonlijke Beschermingsmiddelen (PBM) - Personal Protective Equipment (PPE).
Den tayer (werkplaats), tene kuenta ku e manera ku e mashinnan ta posishoná i kon ta protehá e alrededor.
Molèster di stòf
Molèster di stòf por surgi debí na trabou, pero tambe debí na almasenahe i transporte di material. Sòru pa e material akí no bula bai den e áreanan rònt di e sitio di trabou. Hasi uso di skrin kontra stòf òf muha e material regularmente.
Instalashon pa fria
Hopi biaha instalashonnan pa fria ta yená ku produktonan pa fría (refrigerante) ku ta afektá e kapa di ozòn. E produktonan pa fria akí no tin mag di sali bai den aire liber. Pa informashon amplio wak e página riba www.informatiepuntcn.com
Rapòrtnan di mantenshon
Warda e rapòrt di mantenshon serka e instalashon òf den e empresa. E rapòrtnan akí ta kontené en todo kaso informashon tokante e kontenido na kilogram i e tipo di e materia friante :
- ku e aparato ta yená kuné
- ku a yena e aparato kuné na momentu di instalashon, mantenshon òf service i reparashon
- ku a regenerá òf eliminá
Notifikashon
Pa establesé un sitio di konstrukshon, òf un tayer (werkplaats), mayoria biaha un notifikashon di IAB (Dekreto di Establesimentu i Aktividat BES) ta nesesario, banda di un pèrmit di establesimentu. Pa mas tardá promé ku bo lanta òf kambia bo kompania, bo tin ku hasi un notifikashon na Kolegio Ehekutivo. Mas informashon tokante e notifikashon ta riba e página Notifikashon.
Base legal pa reglanan di medio ambiente.
E reglanan pa e kompanianan di konstrukshon ta bini for di e ‘Dekreto di Establesimentu i Aktividat BES’ (IAB) i e ‘Areglo di Establesimentu i Aktividat’ (RIA). Wak e páginanan bou di Splikashon kòrtiku tokante reglanan di medio ambiente (e ta habri den un bentana nobo) (e ta referí na un otro wèpsait). E reglanan pa mayoria di e kompanianan di konstrukshon, instalashon i kontratista ta den kapítulo 2 (e ta habri den un bentana nobo) (e ta referí na un otro wèpsait) di e Areglo di Establesimentu i Aktividat BES (RIA BES). E reglanan akí ta konta pa un sitio di konstrukshon òf un tayer, i no pa mantenshon insidental. E indikashon pa e tipo di empresa akí i e obligashon di pèrmit bo ta haña den Anekso 1 Dekreto di Estblesimentu i Aktividat BES (e ta habri den un bentana nobo) (e ta referí na un otro wèpsait).
E kriterionan pa kalidat, e reglanan básiko, pa empresanan di tipo I i II ta den e Areglo di establesimentu i aktividat (e ta habri den un ventana nobo) (e ta referí na otro wèpsait).
Por ta trata di diferente tópiko, manera:
- Almasenahe di produkto residual: Departamento 2.1 Areglo di Establesimentu i aktividat BES (e ta habri den un ventana nobo) (e ta referí na otro wèpsait)
- Deshasí di awa shushi: Departamento 2.2 Areglo di Establesimentu i aktividat BES (e ta habri den un ventana nobo) (e ta referí na otro wèpsait)
- Protekshon di suela: Departamento 2.3 Areglo di Establesimentu i aktividat BES (e ta habri den un ventana nobo) (e ta referí na otro wèpsait)
- Almasenahe di supstansia peligroso: Departamento 2.9 Areglo di Establesimentu i aktividat BES (e ta habri den un ventana nobo) (e ta referí na otro wèpsait)
- Instalashon pa fria § 2.13.1 Areglo di Establesimentu i aktividat BES (e ta habri den un ventana nobo) (e ta referí na otro wèpsait)
Por tin reglanan adishonal den e ordenansa insular. E ordenansa insular ta den desaroyo ainda.
Pa protekshon di empleado bo tin di haber ku e lei di sirkunstansia laboral (e ta habri den un ventana nobo) (e ta referí na otro wèpsait) i e dekretonan laboral (e ta habri den un ventana nobo) (e ta referí na otro wèpsait).
Lista di chekeo.
- Sòru pa e sitio di konstrukshon keda seif, limpi i na òrdu.
- E líkidonan ku ta un menasa pa suela ta wardá seif den òf riba un baki pa fangu líkido ku ta lèk?
- Tin suficiente material di apsorshon presente?
- A almasená e supstansianan peligroso paketá na un manera seif?
- Ta warda papel i karton, plèstik, aluminio i glas na un manera separá den e kompania i ta ofresé nan na un manera separá na un kolektadó rekonosé?