Kompanianan di konstrukshon

Riba e página akí

Splikashon di e aktividat

Na unda por haña esakinan

Notifikashon

Kua ta e reglanan ku ta na vigor

Lista di chekeo

Splikashon di e aktividat

Na momentu di konstruí, drecha i mantené bibienda òf na momentu ku tin trabou di instalashon na bibienda, esaki por kontaminá medio ambiente. Por ehèmpel na momentu di almasená líkido ku ta un menasa pa suela, manera zeta i fèrf, na momentu di uso di supstansia peligroso i na momentu di almasená i transportá desperdisio.

Na unda por haña esakinan

E reglanan pa kompanianan di konstrukshon, kompanianan di instalashon i kontratistanan ta den kapítulo 2 di e Areglo di Establesimentu i Aktividat BES (RIA BES).

Notifikashon

Pa e aktividat akí, pa mas tardá 4 siman promé ku lantamentu òf kambio di e kompania, bo tin ku hasi un notifikashon na Kolegio Ehekutivo. Den kaso di kambio un notifikashon ta solamente nesesario si ta surgi un desviashon di informashonnan ku a duna promé. Mas informashon tokante notifikashon ta riba e página Notifikashon.

Kua ta e reglanan ku ta na vigor

Desperdisio

Mester separá desperdisio den e kompania. Ta trata di papel i karton, plèstik, aluminio i glas. Asina tantu biaha ku ta nesesario, mester laga un rekolektadó rekonosé transportá e desperdisio.

Awa shushi

Mester deshasí di awa shushi via un kloaka òf un sistema di purifikashon di awa shushi, manera un tanki séptiko.

Suela

Líkido ku ta un menasa pa suela, manera zeta, ‘coating’ i ‘thinner’, por kontaminá suela gravemente. Pa e motibu akí mester evitá ku e líkidonan aki ta lèk òf ku nan no ta adekuadamente almasená. Pa medio di almasená líkido ku ta un menasa pa suela den un empake adekuá riba of den un baki pa fangu lèkmentu, ta evitá kontaminashon di suela. Den kaso ku tòg tin líkido a basha abou riba suela, e ora ei mester limpia esaki inmediatamente. Ta importante pa tin sufisiente produkto apsorbente den stòk pa esaki.

Supstansia peligroso

Pa almasenahe di supstansia peligroso empaketá i almasenahe di supstansia kanserígeno, mutágeno y tóksiko pa reprodukshon (supstansia CMR), tin regla den artíkulo 2.9.2 di e Areglo di Establesimentu i Aktividat BES. Mester almasená e supstansianan akí den un fasilidat pa almasenahe. Un fasilidat pa almasenahe ta un espasio fiho, diseñá komo un kompartimento kontra insendio ku un superfisie di maksimalmente 1000 m². Mas aleu ta konta ku e WBDBO entre un fasilidat di almasenahe i un otro espasio mester ta por lo ménos 60 minüt den ámbos direkshon. WBDBO ta nifiká: Resistensia kontra penetrashon di kandela (WBD) i Resistensia kontra pasamentu over di kandela (WBO) den minüt.

Lista di chekeo

• E líkidonan ku ta un menasa pa suela ta almasená den un forma seif den òf rìba un baki pa fangu lèkmentu?
• Tin sufisiente produkto apsorbente presente?
• E supstansianan peligroso empaketá ta almasená den un forma seif?
• Ta almasená papel i karton, plèstik, aluminio i glas den un forma separá den e kompania i ta ofresé nan den un forma separá na un rekolektadó rekonosé?