Djentista

Na konsultanan di djentista na momentu di prosedimentunan odontólogo, nan por flùsh amalgama huntu ku e awa shushi. Den amalgama tin komponentenan ku ta dañino pa medio ambiente: plata, kuek, staña, koper i otro tipo di metal. Pa e motibu akí no ta pèrmití pa deshasí di e awa shushi akí sin purifikashon.

Riba e página akí:

Splikashon di e aktividat

Na momentu di pone, kita òf remplasá plòmber pa djente ku amalgama ku ta kontené kuek, awa di spula ku amalgama por bini liber. No ta pèrmití pa basha e awa shushi akí afó sin purifikashon. Pa limitá òf evitá e efektonan desbentahoso akí mas tantu posibel, ta apliká regla. Banda di e reglanan akí spesial pa djentista, por tin mas regla na vigor, por ehèmpel pa desperdisio, sparmentu di energia i ora tin un instalashon di èrko.

Na unda

E reglanan pa djentista ta den kapítulo 2 i den parágrafo 3.3.1 di e Areglo di Establesimentu i Aktividat BES (Regeling inrichtingen- en activiteiten BES - RIA BES). Ta inkluí reglanan adishonal den un ordenansa insular.

Tipo di empresa

E instrukshonnan di e aktividat akí ta aplikabel riba empresanan tipo 2.

Notifikashon

Pa e aktividat akí pa mas tardá 4 siman promé ku lantamentu òf kambio di un empresa bo tin ku hasi un notifikashon na e entidat públiko. Kua informashon bo tin ku entregá, bo ta lesa riba e página tokante e notifikashon.

Kua ta e reglanan ku ta na vigor

Instrukshon pa desperdisio

Na momentu di e aktividatnan empresarial di bo konsulta di djentista tin produkto residual ta bini liber. Pensa akí riba empake di plèstik di bo asesorionan odontólogo. Bo tin ku kolekta produktonan residual den forma separá. Esaki ta konta en todo kaso pa karton i papel, plèstik, aluminio i glas. Bo tin ku sòru ku e tereno kaminda bo konsulta di djentista ta ubiká, ta keda limpi di desperdisio. Bo ta hasi esaki pa medio di asina tantu biaha ku ta nesesario, (laga) transportá e produktonan residual for di bo konsulta pa un rekolektadó ku Kolegio Ehekutivo ta indiká.

Instrukshon pa awa shushi

Bo tin ku deshasí di awa shushi di bo konsulta di djentista den e sistema públiko di awa shushi òf un fasilidat di purifikashon ku ta adekuá pa esaki. Den kaso ku e awa shushi ta kontené amalgama, mester kondusí e awa shushi promé atraves di un separadó di amalgama, promé ku bo tin mag di deshasí di dje. E separadó di amalgama tin ku eliminá por lo ménos 95% di e partíkulanan di amalgama for di e awa shushi.

Sparmentu di energia

Bo tin ku tuma tur e medidanan pa spar energia ku tin un periodo di rekuperashon di invershon di maksimalmente 5 aña. Esaki ta solamente nesesario ora ku pa bo empresa bo ta usa 20.000 kWh na koriente pa aña for di e ret públiko. Esaki ta nifiká por ehèmpel ku bo tin ku instalá iluminashon LED na bo puntonan di lus.

Lista di chekeo

Paga tinu bon riba e siguiente asuntunan na momento di inisiá i ehekutá e aktividatnan akí:

Bo a hasi un notifikashon?
E separadó di amalgama tin un nivel di retenshon di por lo ménos 95% di e partíkulanan di amalgama?
Bo tin èrko?