A stipulá fecha di entrada na vigor di reglanan di medio ambiente
A stipulá entrada na vigor di e Dekreto di Establesimentu i Aktividat BES (Inrichtingen- en activiteitenbesluit BES – IAB BES) i e Areglo di Establesimentu i Aktividat BES (regeling inrichtingen- en activiteiten BES - RIA BES). E dekreto i e areglo ta drenta na vigor dia 1 di aprel 2024.
Den e IAB BES i e RIA BES tin regla di medio ambiente pa empresanan na Boneiru, Sint Eustatius i Saba. E IAB BES ta un medida general di gobièrnu (algemene maatregel van bestuur - AMvB), den kua mas aleu ta elaborá e reglanan di medio ambiente for di e Lei bibienda públiko, ordenamentu teritorial i maneho di medio ambiente BES. Den e RIA BES tin reglanan general pa empresanan ku pa medio di nan aktividatnan tin un impakto leve òf moderá riba medio ambiente.
A publiká e reglanan di e IAB BES i e RIA BES den Staatscourant i den Staatsblad. E IAB BES i e RIA BES ta drenta na vigor dia 1 di aprel 2024.
E intenshon tabata pa laga e reglanan di medio ambiente drenta na vigor dia 1 di yanüari 2024, pero Kolegio Ehekutivo di Boneiru a supliká ministerio di Infrastruktura i Maneho di Awa pa posponé e entrada na vigor.
Mas informashon
Pa pregunta tokante e reglanan di medio ambiente bo por pasa na e Punto di Informashon Medio Ambiente. Esaki ta habrí riba dianan di trabou for di 08.00 or te 12.00 or. Riba wèpsait di e Punto di Informashon Medio Ambiente tambe bo por hasi bo pregunta i lesa e regulashon nobo di medio ambiente.