Reglanan ambiental nobo a drenta den vigor

Dikon reglanan ambiental i kiko esaki ta nifika pa empresanan

Den IAB BES i RIA BES tin reglanan ambiental pa empresa. E reglanan aki ta nesesario pa protehá e medio ambiente i e koralnan. Por trata di reglanan pa protehá e tera for di substansianan peligroso, separá sushi, un operashon di empresa limpi (good housekeeping) i almasená substansianan peligroso na un manera sigur. E reglanan ta distingui entre diferente tipo di empresa. Depende di kuantu un empresa ta kausá impakto riba e medio ambiente, tin reglanan general ku ta apliká òf un permit ambiental ta nesesario.

Tin 4 tipo di empresa:

• Tipo I empresa: un empresa ku tin un impakto leve riba medio ambiente. Esakinan por ta, por ehèmpel, ofisina òf tienda. Un tipo I empresa no mester hasi notifikashon. E reglanan general ta apliká.
• Tipo II empresa: tin un impakto moderá riba medio ambiente. Esakinan por ta, por ehèmpel, garage òf negoshi di horeca. Un tipo II empresa mester hasi notifikashon na e outoridat kompetente (e Kolegio Ehekutivo) i e reglanan general ta apliká.
• Tipo III empresa: un empresa ku tin un impakto mas grandi riba medio ambiente. Esakinan por ta, por ehèmpel, krusher di piedra, empresa ku ta kria hopi animal manera galinja òf kabritu i centra di asfalt. E tipo di empresa aki mester di un permit ambiental. E aplikashon ta entregá na e Kolegio Ehekutivo .
• Tipo IV empresa: un empresa ku ta krea riesgo pa e ambiente i tin un impakto mas grandi riba medio ambiente. Esakinan por ta, por ehèmpel, terminalnan di petróleo i empresa ku ta almasená kantidat grandi di gas. Un permit ambiental pa e tipo di empresa aki ta nesesario. E aplikashon ta entregá na e minister di Infrastruktura i Maneho di Awa. Den praktika esaki ta Rijkswaterstaat.

Kiko ta kambia ku e reglanan ambiental nobo

E mayoria di e empresa ta un tipo I òf tipo II empresa. Un tipo II empresa mester hasi un notifikashon na e entidat públiko. E reglanan pa e notifikashon i e reglanan ambiental ta deskribí den IAB BES i den RIA BES. Un tipo I empresa no mester hasi notifikashon.

Ora un empresa ta un tipo III empresa i tin un permit di molester valido, probablemente no ta kambia nada. kiko si e empresa no tin un permit di molester valido? Pues, e empresa mester entrega un aplikashon pa un permit.

Na kua regla un empresa mester tene su mes

E mayoria di empresa ta tipo I i II. Pa e empresa aki, e reglanan general ta deskribí den IAB BES i RIA BES. Pa empresa tipo III i IV ku mester un permit, e reglanan ambiental ta deskribí den e permit.

Empresanan ta hanja tempu pa kumpli ku e reglanan

Si, den algun kaso empresa tin mas tempu pa kumpli ku e reglanan. Esakinan ta yamá periodonan di transishon. Esakinan ta deskribí den RIA BES. Esaki ta trata speshalmente tokante algun medidanan kaminda e invershon pa empresa eksistente por ta haltu. Por ehèmpel, reemplasá un pos di awa pa un purifikadó di awa residual manera un tanki septiko. Empresa tin 5 aña pa esaki. Pa adapta un protekshon di tera, manera pa instalá un vloer di beton, empresa tin 3 aña pa esaki.

Mas informashon

Pa pregunta tokante e reglanan ambiental, bo por bai na e Punto di Informashon Ambiental. Esaki ta habri dianan di trabou di 08.00 pa 12.00 or. Tambe bo por pone bo pregunta i lesa e reglanan ambiental nobo riba e wèpsait (helpdesk)di e Punto di Informashon Ambiental.