Notifikashon digital empresa tipo II ta posibel na Boneiru

Ki ora mester hasi notifikashon

Ora bo tin un empresa tipo II, bo tin ku hasi un notifikashon. Bo tin ku hasi un notifikashon tambe na inisio di bo empresa òf ora ku tin kambio den aktividatnan di bo empresa. Si bo empresa ta un empresa tipo II, bo por haña esaki den anekso 1 di e Dekreto di Establesimentu i aktividat BES òf pa medio di yena e formulario digital pa hasi notifikashon.

Kon pa hasi un notifikashon

Bo por hasi un notifikashon pa medio di yena e formulario digital pa hasi notifikashon. Despues ku bo a manda e formulario pa hasi notifikashon, bo ta risibí un konfirmashon i Direktorado di Supervishon i Mantenshon di Lei ta hasi un promé inspekshon. Si un pèrmit ta nesesario, Direktorado di Planifikashon i Desaroyo ta tuma kontakto ku bo pa kaba hasi e trámitenan.

Notifikashon pa kada sektor

Entidat públiko Boneiru a skohe pa introdusí e notifikashon paso pa paso. Esaki ta nifiká ku si bo tin un empresa tipo II den sektor di hóreka òf sektor di konstrukshon, bo por hasi un notifikashon digital for di awe. Esaki ta konta tambe ora bo kuminsá ku un empresa tipo II. Riba un otro fecha ku mester indiká ainda, entidat públiko Boneiru ta pone empresanan eksistente di tipo II den tur otro sektor na altura di e momentu ku nan por hasi un notifikashon digital.

Mas informashon

Informashon pa hasi e notifikashon:

· E notifikashon – Punto di Informashon Medio Ambiente Hulanda Karibense

· E formulario digital pa hasi notifikashon(ta referí na un otro wèpsait)

Notisia di entidat públiko Boneiru: