Entrada na vigor di regulashon
Entrada na vigor di e Dekreto di Establesimentu i Aktividat BES (Inrichtingen- en activiteitenbesluit BES - IAB BES) a sufri retraso. E aspirashon ta ku e dekreto ta drenta na vigor dia 1 di òktober 2023 òf pa mas tardá dia 1 di yanüari 2024.
E Dekreto di Establesimentu i Aktividat BES (Inrichtingen- en activiteitenbesluit BES - IAB BES) ta kontené regla di medio ambiente pa empresanan na Boneiru, Sint Eustatius i Saba. E Dekreto di Establesimentu i Aktividat BES ta un medida general di gobernashon (Algemene Maatregel van Bestuur - AMvB), den kua ta elaborá e reglanan di medio ambiente for di e Lei Bibienda Popular, Ordenamentu Teritorial i Maneho di Medio Ambiente BES mas aleu.
Desaroyo di e proseso rònt di e Dekreto di Establesimentu i Aktividat
E dekreto mester pasa atraves di diferente paso promé ku e por keda aprobá. Un di e pasonan akí ta ku Tweede Kamer (parlamentu hulandes) mester haña oportunidat pa reakshoná riba e diseño di e Dekreto di Establesimentu i Aktividat BES. Na e momentu akí e Dekreto di Establesimentu i Aktividat BES ta den tratamentu den Tweede Kamer. Despues di finalisashon di e tratamentu den Tweede Kamer, gobièrnu hulandes tin ku pidi konseho di Raad van State. Aprobashon di un konseho por dura 3 luna. E aspirashon ta ku e dekreto ta drenta na vigor dia 1 di òktober 2023 òf pa mas tardá dia 1 di yanüari 2024.