Obligashon di kuido

Riba e página akí:

• Kon e obligashon di kuido ta funshoná
• Pa kiko e obligashon di kuido ta konta
• Obligashon di kuido i un pèrmit di medio ambiente
• Supervishon i mantenshon di lei

Kon e obligashon di kuido ta funshoná

E obligashon di kuido ta funshoná asina’ki: pa mayoria aktividat empresarial tin reglanan general. Pero pa tópikonan pa kua no tin reglanan general, pero ku por sòru pa daño na medio ambiente, e obligashon di kuido ta na vigor. E ora ei e obligashon di kuido por evitá ku ta surgi daño na medio ambiente, aunke no tin reglanan general pa un aktividat. Esaki ta pará den artíkulo 1.4 di e Dekreto di Establesimentu i Aktividat BES.

Pa kiko e obligashon di kuido ta konta

E obligashon di kuido ta konta pa:

• Estado i mantenshon di un empresa
• Uso ekonómiko di energia i materia prima
• Anda efisientemente ku awa shushi i supstansianan residual
• Riesgo pa medio ambiente i pa susesonan inusual
• Tráfiko di persona i merkansia pa i for di un empresa
• Kontaminashon di suela, aire, awa bou di tera i awa di superfisie
• Molèster pa motibu di stòf, sonido, trelmentu, holó i lus
• Molèster pa motibu di uso di iluminashon

Obligashon pa kuido i pèrmit di medio ambiente

Den e pèrmit di medio ambiente tin regla ku ta konta pa henter e empresa. Akí tambe e obligashon di kuido por ta na vigor. Esaki ta nifiká ku e empresa no tin mag di okashoná daño na medio ambiente, tampoko ora e reglanan no ta pará den e pèrmit.

Supervishon i mantenshon di lei

E outoridat kompetente por mantené lei direktamente riba e artíkulo di obligashon di kuido. Importante ta ku e outoridat kompetente ta investigá promé si e empresa sa òf tabata por sa ku e aktividat por okashoná daño na medio ambiente.