E notifikashon
Si bo empresa ta un empresa tipo 2, bo tin ku hasi un notifikashon na inisio òf na momentu di un kambio di aktividat di bo empresa. Kua ta e aktividatnan ku ta kai bou di empresa tipo 2, bo por haña den e anekso di e Dekreto di Establesimentu i aktividat BES (Inrichtingen-en activiteitenbesluit BES - IAB BES).
Riba e página akí
- Ki ora bo tin ku hasi notifikashon
- Kua informashon bo tin mester pa e notifikashon
- Na unda bo ta hasi e notifikashon
Ki ora mester hasi notifikashon
E aktividatnan di bo empresa ta kai bou di tipo 2 di e Dekreto di Establesimentu i aktividat BES? E ora ei pa mas tardá 4 siman promé ku lantamentu òf kambio di bo empresa bo tin ku hasi un notifikashon na e outoridat kompetente (Kolegio Ehekutivo).
Kua informashon
Bo ta entregá e siguiente informashonnan:
- Bo nòmber, adrès, number di telefòn i emailadrès
- Nòmber i adrès di bo empresa
- E number di parsela kadastral di bo empresa
- E number di inskripshon na Kámara di Komèrsio
- E momentu ku bo ta ferwagt ku bo ta kuminsá ku òf hasi kambio na bo empresa
- E karakter i magnitut di e aktividatnan di bo empresa
- E number di e pèrmit di konstrukshon
Bo no tin mester di hasi notifikashon ora ku anteriormente a hasi un notifikashon kaba i mediante e kambio no ta desviá for di e datonan di e notifikashon anterior.
Na unda ta hasi notifikashon
Bo ta hasi e notifikashon serka e outoridat kompetente (Kolegio Ehekutivo).